Rabbitland Cafe

营业中

休息中

兔年就去咗间兔兔cafe玩下兔仔hea下。见到有间新开嘅喺元朗，但系已经一早full晒。咁就揾另一间，呢间就比较旧啲嘅喺铜锣湾。地点非常方便，出咗地铁站行唔驶五分钟就到。佢楼下冇招牌，记得睇门牌号，楼下好多salon招牌。行上三楼，就见到。一推门入去有少少打个突，人好多，可能礼拜日嘅关系，但系地方好细，实用面积应该三至四百呎左右。兔仔系唔畀抱嘅，有啲摆喺笼入面，有啲就有围栏围住。总数大概有七至八只左右。兔兔都好健康，好活泼。之后人少咗就有一两只兔放出嚟周围走。但因为兔兔经常要便便，所以冇几分钟已经周围都系便便。黎cafe系咁2都讲下啲食物,其实我去到个环境感觉唔系太舒服,因为太焗太多人. 佢只系入场费68蚊就提供一支soft drink，1杯饲料，坐90min.佢都话有嘢食叫嘅，但系佢都讲明畀你听𠮶啲嘢食佢都系喺楼下叫，都系d煎炸野。佢都欢迎你自己落去买，佢唔介意。其实如果有细路仔去玩下就好开心嘅，但系装修太残旧感觉麻麻地。