永順沙嗲牛肉專門店

营业中

休息中

难得要入元朗处理一啲事务，当然想试埋元朗区内嘅一啲特色餐厅。知道有一间专门食沙嗲牛肉嘅港式冰室，就决定要挑战一次。到店嘅时间系星期六下午两三点，店外已经排有一条人龙，大约有五台客人在排队等位，而目测食客当中有不少是慕名而来的游客。由于有太多食客光顾，所以餐厅都系以搭枱作为安排，所以我哋嘅等候时间都唔系太耐，大约20分钟到就可以入座。嚟到沙嗲牛肉专门店，当然要试吓佢嘅沙嗲牛肉同窿边煎蛋，另外见到佢嘅炸猪扒亦出名，所以亦都跟咗一份。喺墙壁上面亦见到有期间限定嘅开心果流心西多士，所以作为开心果控嘅我哋亦叫咗一份。呢度嘅沙嗲汤底系偏咸嘅，由于我唔钟意甜甜嘅沙嗲，所以亦都符合我嘅口味，炸猪扒亦炸得香口，而西多士上面亦都有好多开心果碎，亦都冇出现最怕嘅人工开心果味。但系佢嘅粉面系冇套餐餐饮，以冰室嚟讲价钱就略嫌有啲贵，另外搭枱安排虽然可以令入座速度快啲，但系就唔可以坐得太舒适。