真秘鍋 (已結業)

呢排天气开始转凉，最开心就系同一班好朋友打边炉！系OpenRice见到呢间火锅店，除咗嘢食够吸引之外，仲可以同朋友喺独立嘅VIP房唱K，大房有埋独立洗手间。我爱上左佢嘅汤底招牌龙虾汤，真系好鲜甜同埋好浓郁啊，汤入面仲有成大只新鲜龙虾添，打完边路可以叫员工帮手拆壳，服务抵赞！我哋亦都叫咗海鲜拼盘盛，可谓包罗万有，有生蚝、龙虾同扇贝等，全部排列得好靓好整齐，令人赏心悦目，不过嚟唔切影刚上枱既相，朋友就已经等唔切开动左。仲有丸同饺拼盘，摆放嘅方式好特别，一层层陈架，循序渐进，各人可以因应自己唔同嘅口味拣嚟食。全部手打丸又弹牙又滑，值得一赞。当然唔少得要见呢度嘅牛小排同埋海胆杯，系佢哋嘅主打嚟㗎。牛小排摆放到好似一个半球体咁望落去好吸引！放入汤底里面几十秒就食得啦，牛味十足;海胆杯好精致配上蟹籽同青瓜，一啖真系唔够喉！蔬菜篮一定要叫，啱晒想清肠胃嘅朋友，里面有好多唔同嘅蔬菜，番茄仔冬菇粟米同秋葵，望落成棵盆菜咁，色彩缤纷。仲有啲卤水同埋小食，等大家可以系打边炉前开一开胃先，总体都几推介。