牛摩 (沙田中心) (已結業)

好耐冇黎呢間打邊爐，經過見冇人就入去食，點知瀨晒嘢，我未試過打開個點餐app，咩都沽清咁滯，餐內包左嘅免費小食，一樣都冇，洋蔥都冇呀大佬，不如唔好打開門做生意啦，我仲要唔係晏，6點幾就入座，呢個時間已經咩都冇，咁再晏啲入座嘅咪仲慘？仲有，佢嘅自助區種類十分少，野飲又唔多比心揀！呢間野我永遠唔會再幫襯！啲員工全部冇服務，唔知係咪想慳皮，全部請晒啲暑期工，而家啲餐廳啲管理層真係要學識咩叫服務，香港嘅餐廳再咁落去，好快齊齊結業，到時唔好怨香港人唔幫香港人喇！