影片
更多
2023-05-16
788 浏览
今日下就三点几，一个人去食午餐。入座无问题，坐低之后发现人手都几少，所以都要叫左一阵先有人应。终于等到著粉红恤衫男经理帮我落单，一个午餐，前菜要沙律，主菜要大虾鸡肉意粉，冻柠茶，加细 tiramisu，本人就有啲大食，所以叫多左个小食。等左一阵，个小食到先，我睇一睇，点解咁似狗粮，全部都系骨，得好小肉，我嗌棒棒骨，你就真系比成条骨我，胃口即刻冇晒。最离谱系之后，上左餐汤，我提出我叫既系沙律，而非餐汤，佢就叫我再等等。过多一阵主菜上咗，沙律无嚟到，我就同帮我落单的男经理反映请佢帮我跟进。佢就叫我趁热食左个意粉先，同事会跟㖞。如是者，再过一阵，又有另一位同事又再上汤俾我。我就再提出，吾要餐汤要沙律，头先已经上左一次喇，系咪无沙律。男经理即刻反驳，话佢唔知道，所以咪而家问我一次啰！然后，佢又拎走个汤，行去入机。点知最离谱的事发生，男经理大声讲，”吾使再入机，俾我个个沙律佢啦”。我听到之后火都黎，咩叫俾佢果个沙律我，大佬呀，整个沙律要几耐呀！仲要佢果个沙律唔知摆左几耐。去到尼到我真系食咩都无味，吾好讲尼到侍应态度，连经理都系一担担，个位男经理既做法，真系用不知所谓。之后都无咩胃口食成肚火，拿拿
入座无问题，坐低之后发现人手都几少，所以都要叫左一阵先有人应。
终于等到著粉红恤衫男经理帮我落单，一个午餐，前菜要沙律，主菜要大虾鸡肉意粉，冻柠茶，加细 tiramisu，本人就有啲大食，所以叫多左个小食。
等左一阵，个小食到先，我睇一睇，点解咁似狗粮，全部都系骨，得好小肉，我嗌棒棒骨，你就真系比成条骨我，胃口即刻冇晒。最离谱系之后，上左餐汤，我提出我叫既系沙律，而非餐汤，佢就叫我再等等。过多一阵主菜上咗，沙律无嚟到，我就同帮我落单的男经理反映请佢帮我跟进。佢就叫我趁热食左个意粉先，同事会跟㖞。如是者，再过一阵，又有另一位同事又再上汤俾我。我就再提出，吾要餐汤要沙律，头先已经上左一次喇，系咪无沙律。
男经理即刻反驳，话佢唔知道，所以咪而家问我一次啰！然后，佢又拎走个汤，行去入机。点知最离谱的事发生，男经理大声讲，”吾使再入机，俾我个个沙律佢啦”。
我听到之后火都黎，咩叫俾佢果个沙律我，大佬呀，整个沙律要几耐呀！仲要佢果个沙律唔知摆左几耐。
去到尼到我真系食咩都无味，吾好讲尼到侍应态度，连经理都系一担担，个位男经理既做法，真系用不知所谓。之后都无咩胃口食成肚火，拿拿声食完就走。讲真，因为我一个人食饭，先至得闲留意到佢地甘样的上菜法，客少都咁样，客多就真系不敢多想了。
大家入去食饭之前，真心要谂清楚！而餐厅亦都要改善下，尤其是那个著粉红恤衫经理，吾好当啲客系傻既。
张贴
