温野菜

营业中

休息中

其实嚟过呢一间温野菜非常之多次，但系每一次都冇令到我失望，忍唔住要出返一篇食评赞赏下佢。基本上每一次你都系食佢𠮶个任食嘅套餐，上次嗌咗有鹿儿岛和牛嘅D餐，不过我自己其实都比较钟意食比较淋身嘅澳洲和牛，所以今次都选择咗c餐。澳洲和牛当然唔使讲，基本上煮几秒就可以食，一放入口入口即溶而且牛味亦都非常之出，小编建议可以嗌寿喜烧汤底，因为佢会配埋只蛋黄俾你点，直接点蛋黄可以更加突出到牛嘅鲜味同时亦都唔会比一啲酱汁影响到牛嘅口感。而温野菜嘅野菜当然质素亦都非常之高，其中最钟意食嘅有红心萝卜，爽脆得来亦都非常之鲜，非常推介大家嚟食。