影片
更多
2023-12-21
42 浏览
最近天气开始转凉，即刻想食返个热焫焫嘅寿喜烧，决定去位于铜锣湾后街谢斐道嘅本延锅物，街头远远望过去已经见到简约又特别嘅铺面设计。店员安排左我同朋友坐系窗口位，从设计特别嘅窗望出去冻冰冰嘅街食住热焫焫嘅寿喜烧，特别有feel。晚市套餐首先要拣汤底，因为系一人一锅，我哋两个人拣左关东风寿喜烧同柚子胡椒汤，然后主食拣左极上A4黑毛和牛同埋A5黑毛和牛肉眼。每个套餐都会跟前菜沙律，野菜拼盘，生蛋同白饭，我同朋友各自加钱由白饭升级做拉面同乌冬。A5黑毛和牛肉眼套餐更会多一个豆腐，可以加麻酱直接食用或者放入汤底。沙律配搭柚子啫喱非常醒胃，野菜拼盘有娃娃菜、金菇、本菇、油扬、年糕福袋等，最正系吸晒汤底嘅油扬同年糕福袋，福袋入面嘅年糕亦都好软糯。之后当然轮到主角和牛！A5黑毛和牛肉眼有五片，和牛上丰富和均匀分布嘅油花，见到已经流口水，我哋立即各自夹一块放入汤底，几秒后变成带有微微粉红色嘅和牛，混和蛋浆后再一啖食落去！和牛肉味温和，入口即溶，牛味、油脂同蛋浆充满住成个口腔，食和牛就系想食呢个感觉！配搭寿喜烧嘅系经典嘅日本味道，而柚子胡椒汤亦配有柚子酱油，柚子少少嘅酸味中和左和牛嘅油脂感，感觉好清新！至于
晚市套餐首先要拣汤底，因为系一人一锅，我哋两个人拣左关东风寿喜烧同柚子胡椒汤，然后主食拣左极上A4黑毛和牛同埋A5黑毛和牛肉眼。
每个套餐都会跟前菜沙律，野菜拼盘，生蛋同白饭，我同朋友各自加钱由白饭升级做拉面同乌冬。A5黑毛和牛肉眼套餐更会多一个豆腐，可以加麻酱直接食用或者放入汤底。
沙律配搭柚子啫喱非常醒胃，野菜拼盘有娃娃菜、金菇、本菇、油扬、年糕福袋等，最正系吸晒汤底嘅油扬同年糕福袋，福袋入面嘅年糕亦都好软糯。
之后当然轮到主角和牛！
A5黑毛和牛肉眼有五片，和牛上丰富和均匀分布嘅油花，见到已经流口水，我哋立即各自夹一块放入汤底，几秒后变成带有微微粉红色嘅和牛，混和蛋浆后再一啖食落去！和牛肉味温和，入口即溶，牛味、油脂同蛋浆充满住成个口腔，食和牛就系想食呢个感觉！配搭寿喜烧嘅系经典嘅日本味道，而柚子胡椒汤亦配有柚子酱油，柚子少少嘅酸味中和左和牛嘅油脂感，感觉好清新！
至于极上A4黑毛和牛，应该有六至八片，我地觉得食味上同A5黑毛和牛肉眼差唔多，不过因为油花比较少所以食落会比较有口感，少左入口即溶嘅感觉，但依然出色。
去到尾声，我哋享用埋喺充满精华嘅汤底入面煮熟嘅乌冬同拉面，非常完满完成呢一餐。
张贴
