漢年茶餐廳

营业中

休息中

今日来汉年买外卖回家吃，又试下佢个金牌盐焗鸡饭！因为想悭番10蚊，所以今次要左白饭底～冇要到炒饭底～ 饭煮得唔错，唔算太硬身又唔会太淋，虽然本身冇汁捞饭，但有d鸡油流落d饭度，再加埋d 盐焗味，都唔会干争争冇味道！而好好彩佢比左鸡肶位我（我冇加钱转鸡肶的），件件鸡卖相都好靓，金黄色有光泽，食落口肉质几够滑，而且好够鸡味！皮下脂肪又唔会好厚 连埋鸡皮食唔会觉得好肥～同埋够入味，盐味已经渗晒落鸡骨和鸡肉入面，但食落口又唔会觉得好咸～ 不过价钱方面就略为贵了少少，就咁一碟饭未包饮品已经要＄47，但好彩份量都几足，食完好饱饱～