影片
更多
2022-06-25
5154 浏览
大前日订位，今日试食。如果而家先至订位嘅话，大可能只得返平日先至有位，时间方面只有中午至到下午茶时间。过嚟呢度食嘢，主要因为贪佢价钱唔算系好贵，叫做俾得起少少钱，试下五星级嘅环境及服务。首先要讲个环境，真系好大好靓。不过你未入到门口，喺出面等准备入座嘅时候，已经听到好嘈。简直好似去咗茶餐厅咁！冇办法啦！香港人嘅特色，讲嘢个个大大声。。。餐厅区域分得好大，咖啡区/酒吧区/甜品区/薄饼区/冻肉区。由于户外都有餐枱，所以大家都可以随便进进出出，随时入嚟买件饼买杯雪糕，或者买杯咖啡买杯酒。好causal㗎！ 咖啡区有好多面包睇落都好吸引，但系价钱都几贵由$60至$120，牛角包个样胀卜卜好靓呀，但系眼见周围都冇乜人食呢区嘅嘢。呢区最吸引我眼球嘅系名字叫『Maritozzl』望到啲奶油好滑。我好想食呀，但系表姐控制住我叫我唔好食呢啲。薄饼区个阵营都有好多款，睇个样好靓。平时唔多人唔可以叫薄饼食，而家两个人都可以叫一件。首先近甜品区门口有个卖意大利雪糕嘅位置，有两个流水式嘅水喉，系咁不停流啲朱古力出嚟好鬼吸引呀！价钱又唔系好贵
过嚟呢度食嘢，主要因为贪佢价钱唔算系好贵，叫做俾得起少少钱，试下五星级嘅环境及服务。

首先要讲个环境，真系好大好靓。不过你未入到门口，喺出面等准备入座嘅时候，已经听到好嘈。简直好似去咗茶餐厅咁！冇办法啦！香港人嘅特色，讲嘢个个大大声。。。
餐厅区域分得好大，咖啡区/酒吧区/甜品区/薄饼区/冻肉区。由于户外都有餐枱，所以大家都可以随便进进出出，随时入嚟买件饼买杯雪糕，或者买杯咖啡买杯酒。好causal㗎！
咖啡区有好多面包睇落都好吸引，但系价钱都几贵由$60至$120，牛角包个样胀卜卜好靓呀，但系眼见周围都冇乜人食呢区嘅嘢。呢区最吸引我眼球嘅系名字叫『Maritozzl』望到啲奶油好滑。我好想食呀，但系表姐控制住我叫我唔好食呢啲。
薄饼区个阵营都有好多款，睇个样好靓。平时唔多人唔可以叫薄饼食，而家两个人都可以叫一件。
首先近甜品区门口有个卖意大利雪糕嘅位置，有两个流水式嘅水喉，系咁不停流啲朱古力出嚟好鬼吸引呀！价钱又唔系好贵咋㖞，同G字H字，𠮶两只牌子差唔多咋。
最重要嘅就系甜品区啦，𠮶张枱长到呢要转弯。另外一边系放咗Tiramisu，同几件唔知咩名嘅甜品。但全部都冇写价钱，又见唔到有人喺度，所以我都唔知道几多钱。
好喇！讲返个好长嘅甜品阵，呢个甜品阵其中独立有四款甜品，系要另外单点$55/件。其余细件少少，迷你装嘅甜品都系$110/4件。听落系咪好抵呢！
今日柯打：
Hot Latte $58- Ice Coffee $45-
▪️咖啡正正常常好饮嘅
Tomato Risotto Rice Balls $85-
▪️第一次食用咁嘅方法整几特别，入边有芝士溶溶地有拉丝，一定要热食。如果可以加多啲罗勒叶系入面，再有啲蕃茄酱喺侧边一齐食，会更加好味！
Diavola Pizza $88-
▪️ 每块🍕大约A5 size，可切4小件，脆卜卜。但系冇得同Woodfire Pizza比较，因为用炭火烧出嚟嘅薄饼一定系最好食！
Salt & Rosemary Rotisserie Chicken with Potato’s $220-
▪️半只鸡收费要$220真系唔平㗎，不过唔好话㖞，鸡肉真系好滑溜，嫌鸡胸好柴唔食鸡胸嘅我同表姐都食晒。个配菜嘅几粒薯仔都煮得好好食，好重香草嘅，但味道确实系咸咗少少嘅！
Pistachio Puff/Sicilian Cannoli/Hazelnut Cannoli/Chocolate Hazelnut Tartelette $110/4pcs
▪️呢个唔使讲啦，四件都唔好食。好普通好普通好普通！我估本身呢度嘅甜品都唔系叫话特别出色，所以大家唔好浪费钱喇！
张贴
