影片
更多
2016-06-18
419 浏览
對於離開校園已久既我，以前所讀既書大部分都已經比番老師。尤其記得細過既時候自己好怕上化學堂，因為唔熟箇中原理，考試又肥佬。估唔到今晚要再戰實驗室，再考化學，都咪話唔驚。話說老婆今晚帶左我去一間份子料理既餐廳，餐廳一眼睇晒，細細間，但環顧四週，好多好似實驗室既設備。望望餐牌，其實只有一個人頭計既套餐，但令我滴汗既係見到一個個化學名詞...... xyz星空特飲 $25飲品list 好多自創飲品，作為男仔既我當然揀番個型d既特飲襯番自己！夢幻既紫色同星空特飲呢個名十分配合。雖然色彩夢幻，但係絕無色素，特飲其實係雪碧加上檸檬汁。晶球化作用: 哈密瓜分子晶球配西班牙黑毛豬火腿老師開始上堂，第一課晶球化作用。首先，咩係晶球化作用？我識鬼咩！不過唔緊要，老師會先作講解。所謂晶球化作用其實係海藻酸鉀撞鈣水，姐係點？化學作用囉！將哈密瓜分子化，原來會變成好似咸蛋黃咁，十分有趣！底層有黑毛豬，佢係食菜果大，認住呢隻豬，健康d。最後，上面再放薄荷糖粒做點綴。而家既哈密瓜表面好似有層衣保護住咁，用一口過既方式享用，入口有哈密瓜蓉爆開。食用膠袋: 櫻花蝦肉鬆雲吞配日式高湯第二課食用膠袋。首先，你會見到師傅後面
話說老婆今晚帶左我去一間份子料理既餐廳，餐廳一眼睇晒，細細間，但環顧四週，好多好似實驗室既設備。
望望餐牌，其實只有一個人頭計既套餐，但令我滴汗既係見到一個個化學名詞...... xyz
星空特飲 $25飲品list 好多自創飲品，作為男仔既我當然揀番個型d既特飲襯番自己！夢幻既紫色同星空特飲呢個名十分配合。雖然色彩夢幻，但係絕無色素，特飲其實係雪碧加上檸檬汁。
晶球化作用: 哈密瓜分子晶球配西班牙黑毛豬火腿老師開始上堂，第一課晶球化作用。首先，咩係晶球化作用？我識鬼咩！不過唔緊要，老師會先作講解。所謂晶球化作用其實係海藻酸鉀撞鈣水，姐係點？化學作用囉！將哈密瓜分子化，原來會變成好似咸蛋黃咁，十分有趣！底層有黑毛豬，佢係食菜果大，認住呢隻豬，健康d。最後，上面再放薄荷糖粒做點綴。而家既哈密瓜表面好似有層衣保護住咁，用一口過既方式享用，入口有哈密瓜蓉爆開。
食用膠袋: 櫻花蝦肉鬆雲吞配日式高湯第二課食用膠袋。首先，你會見到師傅後面有一個好似滴溜既裝置。經過25分鐘之後，日式高湯製作完成，湯係用昆布同大地魚花做材料。另外，旁邊會有一個膠袋。你無睇錯，今日係要表演食膠袋，估唔到自己都有咁既一日。先嚐頭啖湯，熱辣辣既湯好清甜，全無味精。再食膠袋，好有口感，裡面既櫻花蝦肉鬆有咬口，肉鬆味尤其出眾。
液態氮: 柚子醋粉沫配櫻桃蘿蔔、三文魚子、針魚刺身第三課液熊氮。今次既被加入化學作用既主角係柚子。先將柚子醋以-196度既氮急速冷凍，變成固態，再將炒成碎冰，形成柚子醋粉沫。完成之後可以放入櫻桃蘿蔔、三文魚子、針魚刺身旁，作為調味。雖然柚子粉沫十分細小，但依然保留到柚子清怡既感覺，所以襯番刺身，兩者非常配合。不過記得柚子醋粉沫要盡快食，因為擺耐左會溶。
乳化作用: 龍蝦慕絲配魚子醬、椰菜花第四課乳化作用。粗身瓶狀既試管，先放入椰菜花。咦，點解係白色一pat野？原來椰菜花係以85度慢煮。老師解釋呢個烹煮方法可以保留纖維同埋更爽口，若果溫度過高，椰菜花既纖維會被破壞。
之後老師會拎一枝噴槍出嚟，裡面係裝有龍蝦湯，佢唔係打算用噴槍將湯噴出，而係老師已經用一氧化二氮將龍蝦湯變成慕絲。慕絲龍蝦湯比一般龍蝦湯特別既地方係慕絲可以增加表面面積，令湯同舌頭既接觸面更多，可以嚐到更濃味既龍蝦湯。我諗呢個都係唯一我最明白既化學作用。
即席煙燻: 特級初榨橄欖油慢煮三文魚配檸檬、橄欖第五課即席煙燻。老師將大量既煙放入載有三文魚既玻璃瓶作煙燻，呢舊三文魚煮法有別於一般做法，因為老係用50度慢煮而成，而呢個溫度係酵母最活躍，發揮得最好。
煙燻過程等大約一分鐘已經可以食用。打開瓶蓋，見到三文魚埋藏係煙霧中，食既時候可以加上少許脫水後風乾既檸檬或者黑水欖，可以令味道更加突出。
起泡作用: 煲仔飽汁神户牛面頰西班牙飯配分子蒜香忌廉泡第六課起泡作用。一路以嚟，我都覺得份子料理同煲仔飯係拉唔上關係，但竟然今日份子料理有佢份。首先，熱辣辣既煲仔飯上面有神户牛面頰做餸。神户牛面頰經過85度慢煮，口感好好，軟淋淋，西班牙飯略硬，加上微微飽汁點綴。
之後老師會拎出一個盒，裡面有大量白色泡泡。用平時魚缸打氣用既氣泵為白色泡泡不斷打氣，形成起泡作用。泡泡係由檸檬酸同大豆卵磷脂製成，食左皮膚會更滑同埋可以通血管。將泡泡當成醬油加入飯中，感覺神奇，呢個就係分子蒜香忌廉泡。當你以為泡泡無咩味道既時候，原來佢有蒜香味，同時又令煲仔飯入口更滑，因為泡泡係來自蒜同忌廉。
經過大約個半鐘既diner course，理論與實踐並重，而家我既化學已經勁左好多，好想考番DSE。
雖然呢度唔係英皇唔係現代，但係$220補個半鐘既化學-分子料理學真係好抵，出面閒閒地三四百以上，而且呢度老師又好，教到我好多野！
张贴
