笑匠歡宴坊

营业中

休息中

入得乐园食饭预咗要洗钱 呢间系今日唯一有开而又系卖中餐嘅餐厅 系快餐形式露天餐厅 室外嘅 冇冷气 不过天气凉凉地都OK嘅 系雀仔比较多 职员一收唔切人哋嘅碗 啲雀仔就会飞晒埋去食 即使有部赶雀机喺隔离都冇乜用所有餐都$100以上 价钱比较贵 但一个人食都叫够食同埋质素冇想像中咁差 食咗个凤尾虾辣鸡饭 送埋杯汽水 辣鸡系麻辣嘅 我几中意 啲虾都算大只同埋弹牙 钟意食辣既可以一试职员都好有耐性解答顾客问题 不过好多内地客唔明白点买饭 有少少混乱 但午餐时间我都冇期望d乜 快餐黎讲算系咁 不过夏天黎既话应该都会去番室内餐厅食