影片
更多
2019-10-11
28 浏览
之前听朋友讲呢间火锅好食，终于约到朋友一齐去，又真系好食㖞！餐厅位于金巴伦道的金龙大厦，认住呢一个大厦内口写住「金龙大厦1-3/F」，因为大厦另一个出入口系上去办公室大楼，去唔到餐厅架。我哋两个人，店员安排咗我哋坐卡位。座位非常阔落，而且场内环境好光猛好干净，亦唔会好焗。一坐低店员就问我地想饮啲乜，好似有紫贝天葵同埋另一种饮品，应该系包埋嘅，但我地只叫咗一壶茶。汤底我哋拣咗姜酒鸡子鱼头煲， Menu上写话佢哋嘅汤底都系冇味精。而我哋食咗成晚，都觉得佢哋真系冇落味精，因为饮完几碗汤都唔会觉得口渴。汤底姜酒味好香，鸡子睇得出系新鲜鸡子，唔会有腥味反而有好重嘅脂肪味，好食。鱼头有一整个，好足料。佢哋嘅配料大部分都可以拣半份，啱晒好似我哋两个人嚟食饭，可以叫多啲选择。鹅肝墨鱼丸推荐，墨鱼丸里面真系有鹅肝蓉，而且都唔小。食嘅时候小心中间啲鹅肝辣亲个咀呀。麻辣饺都好食，每只都涨卜卜好足料，麻辣味好香而且都几够辣。鸭血同炸午餐肉就属正常水准，不过不失。最后上枱嘅系猪牛羊拼盘，佢一上枱我哋话咗出嚟。因为我哋系叫本分，冇谂过会咁大碟。我同店员再三确认佢哋话呢个真系本分，$198半份有咁大碟，好抵食！而且
餐厅位于金巴伦道的金龙大厦，认住呢一个大厦内口写住「金龙大厦1-3/F」，因为大厦另一个出入口系上去办公室大楼，去唔到餐厅架。
我哋两个人，店员安排咗我哋坐卡位。座位非常阔落，而且场内环境好光猛好干净，亦唔会好焗。一坐低店员就问我地想饮啲乜，好似有紫贝天葵同埋另一种饮品，应该系包埋嘅，但我地只叫咗一壶茶。
汤底我哋拣咗姜酒鸡子鱼头煲， Menu上写话佢哋嘅汤底都系冇味精。而我哋食咗成晚，都觉得佢哋真系冇落味精，因为饮完几碗汤都唔会觉得口渴。汤底姜酒味好香，鸡子睇得出系新鲜鸡子，唔会有腥味反而有好重嘅脂肪味，好食。鱼头有一整个，好足料。
佢哋嘅配料大部分都可以拣半份，啱晒好似我哋两个人嚟食饭，可以叫多啲选择。
鹅肝墨鱼丸推荐，墨鱼丸里面真系有鹅肝蓉，而且都唔小。食嘅时候小心中间啲鹅肝辣亲个咀呀。麻辣饺都好食，每只都涨卜卜好足料，麻辣味好香而且都几够辣。鸭血同炸午餐肉就属正常水准，不过不失。
最后上枱嘅系猪牛羊拼盘，佢一上枱我哋话咗出嚟。因为我哋系叫本分，冇谂过会咁大碟。我同店员再三确认佢哋话呢个真系本分，$198半份有咁大碟，好抵食！而且三种肉都唔错，尤其是个羊肉，香得来唔会好苏，仲有牛肉切得薄，有牛味又唔韧。
后来我地仲叫皇帝菜同埋芝味响铃，响铃上面洒上芝士粉，个配搭几得意。本来想点埋美人粉，不过无货，下次再试吓先。
张贴
