8鍋臭臭鍋 (金巴利道) (已結業)

星期六中午天气真系好，秋天嘅阳光特别舒服，约左朋友行尖沙咀，先到金巴利道慢食8锅臭臭锅，平时食晏好急赶，今次就可以轻松叹返下；要左药膳羊肉锅补一补，药膳锅底配上娃娃菜、羊肉片、翡翠鱼豆腐、台湾贡丸、淮山、香菇、粟米、沙白、油豆腐、金针菇、炸支竹、粉丝、呜门卷、素鲍鱼、鳕鱼丸、莲藕，非常丰富，羊肉片有好多片，爱羊味重之友必食也，个锅本身可跟多个饭或粉丝，我当然会选择粉丝，因为咁大个锅实在好饱，况且粉丝可吸收汤嘅精华，啖啖都𢱢到羊香👍🏼特别想讲粒鳕鱼丸，我无谂过个口感会系好似鐡蛋，好得意🤡话明臭臭锅点能少得古法秘制臭豆腐呢？！所以用$42加点一客，可能我对某D食物会重口味左，所以觉得呢个臭豆腐唔系好够臭，但都加添左唔少风味。