四川重口味

营业中

休息中

去四川餐馆正常食水煮鱼/烤鱼，由于朋友唔系好食辣，我地就黎食椰子鸡煲，估唔到都唔错。见到隔离枱食个d烤鱼几吸引，好香，又唔见佢地食到流晒汗咁，可能可以叫少辣唔太辣，下次可以同食辣既朋友试试。椰子鸡煲唔只椰子同鸡，仲有d萝卜。鸡都几滑几香，有d鸡味，但无大陆新鲜鸡咁正咁有咬口。个汤底煲出黎都唔错，令到d野打边炉出黎都有味。我地叫左田鸡，竹笙，生菜，日本手打乌冬。田鸡份量足，多过1只，新鲜唔系雪藏“鸡”，肉滑香甜。竹笙分量足，打边炉必选食物，吸收汤底精华。生菜清洁干净。乌冬系雪藏日本货，弹牙好味，唔系酸味幼乌冬。