影片
更多
2020-07-17
172 浏览
早年兴起上大陆食酸菜鱼，依家唔上，唯有喺香港揾alternative。睇新闻介绍名厨Ricky开咗呢间餐厅，当中酸菜鱼更系必吃之一。适逢为食队友生日，就来一试究竟！唔知系咪有媒体加持嘅关系，温提各位即使平日夜晚都要订位，再苦口婆心讲一句，如果等得嘅，等个热潮过咗先嚟啦⋯⋯😅😓（否则你要有*极优*的耐性）入座安排差我喺openrice订咗20:45，早十分钟来到已经有条龙（订座专用㗎喇！）我排第六。职员出来话OpenRice个程式坏咗，所以要俾多啲时间入座，安抚大家话系有位嘅。其实全程大家都冇show过订位info, 佢亦冇掂过任何电子仪器，根本就系入咗安排慢慢慢🤨！入座等左25分钟😓walk-in 就话一个愿打一个愿挨，订咗就感觉time management好差。招呼怠慢入座后等咗10分钟，成张枱仍然系吉嘅。身边侍应经过无数次，但冇人会留意到你。唔理三七廿一落咗个二人餐先，再问佢哋拎野。又用咗20分钟上齐纸巾、筷子、杯同水壶。随意更改菜单写得食评都要介绍吓啲食物，而家做紧个会员及恒生信用卡二人餐， $288两位，其实几抵食㗎。冇恒生信用卡唔紧要，做会员都系留低个电话啫。前菜系「惹火山
唔知系咪有媒体加持嘅关系，温提各位即使平日夜晚都要订位，再苦口婆心讲一句，如果等得嘅，等个热潮过咗先嚟啦⋯⋯😅😓（否则你要有*极优*的耐性）
入座安排差
我喺openrice订咗20:45，早十分钟来到已经有条龙（订座专用㗎喇！）我排第六。职员出来话OpenRice个程式坏咗，所以要俾多啲时间入座，安抚大家话系有位嘅。其实全程大家都冇show过订位info, 佢亦冇掂过任何电子仪器，根本就系入咗安排慢慢慢🤨！入座等左25分钟😓walk-in 就话一个愿打一个愿挨，订咗就感觉time management好差。
招呼怠慢
入座后等咗10分钟，成张枱仍然系吉嘅。身边侍应经过无数次，但冇人会留意到你。唔理三七廿一落咗个二人餐先，再问佢哋拎野。又用咗20分钟上齐纸巾、筷子、杯同水壶。
随意更改菜单
写得食评都要介绍吓啲食物，而家做紧个会员及恒生信用卡二人餐， $288两位，其实几抵食㗎。冇恒生信用卡唔紧要，做会员都系留低个电话啫。
前菜系「惹火山木耳」及「川味口水鸡」，第一啖食云耳，辣到喷火！其实香港人唔系个个都食得咁辣，主菜就话有得拣辣度，前菜预先腌好冇得拣，仲整到咁辣真系有点不consumer friendly。唔好忘记，呢碟前菜来嘅时候系仲未有水㗎☝🏼😑 可能你话佢想逼你叫嘢饮，但隔离枱（同我哋一齐入座）一坐低已经叫咗一jar薏米水都未到，所以我都系悭返啲心机算。
惹火山木耳
8 浏览
0 赞好
0 留言
另一款前菜系口水鸡，首先鸡嘅部位俾得唔错，口水酱小辣带酸，几惹味醒胃。
川味口水鸡
24 浏览
0 赞好
0 留言
跟住嚟嘅系三款「特色菜品」之一既香芹猪肉水饺🥟。馅料不是丰富，味道也不突出。散叫一定不会考虑。🙅🏻♂️🙅🏻♀️
唯一想大家留意的是，二人餐「原来」只有两只饺子。在后期我哋（及好几枱食客）问侍应小笼包仲未到时，侍应「通知式」答覆没有小笼包，已由饺子代替。甚么？！冇你唔同我哋讲，就咁塞两只饺就算？（仲要唔系好食㖞）这是尊重的问题，我去茶记叫个餐蛋饭，冇餐肉都会问你转咩啦，如果就咁塞碟腿蛋饭叫你食，你会点谂？
香芹猪肉水饺
9 浏览
0 赞好
0 留言
全城催单
食完饺子，终于有水饮（隔离枱jar薏米水仲未到🙈），但呢杯水就陪左我哋之后嘅20分钟⋯⋯ 期间不断听食客催单，斜上方的一家三口催炒饭催左三次，refill水都催到要自己来；上方的情侣又话酸菜鱼等左一个钟；左方年轻人只吃了前菜和特式菜品，酸菜鱼催到无望决定埋单；右方食客亦等到气结要埋单（小菜、甜品、薏米水都未到），佢哋嬲点解到埋单一刻先告知冇薏米水🙄
讲番40分钟先到的酸菜鱼（悄悄话：系同上方等左个几钟的情侣一齐上架🙊🙊 ），卖相系靓既👍 先喝一口汤，冇其他餐厅𠮶种偏咸的味道（不过亦都唔系可以当汤饮），酸菜亦易入口（其他餐厅嘅酸菜都仲系好浓味），这店特意加了迷迭香，又有另一番香气。鱼片不像大陆般有一层透明芡保持完整及增加亮度，但也非常嫩滑及不会碎开。 汤里有芽菜垫底，如果有粉条会更佳。 叫了两碗白饭（$15），偏干。
祥仔招牌酸菜鱼
5 浏览
0 赞好
0 留言
白饭
$15
8 浏览
0 赞好
0 留言
就食完时，「特色菜品」之二既干煸四季豆终于到喇！一咬落去，咦⋯⋯冻既？究竟煮完要摊几耐先有呢个完全室温效果？ 味道，系ok既，但从新鲜同衞生方面谂，有点儿⋯⋯🤢
干煸四季豆
4 浏览
0 赞好
0 留言
最后系黄金南瓜露。南瓜味就冇喇，咪埋眼当食冇西米的西米露啦（只有椰汁及冰糖味）。
黄金南瓜露
3 浏览
0 赞好
0 留言
好，埋单，俾咗张卡就一去冇回头。。。催咗几次忍唔住走柜台，发现柜台成”橦”单要埋！而职员要逐个电话号码核对定做会员手续，所以要搞咁耐！其实个会员制度又冇得储分，餐厅仲要花咁多resources 去对电话，搞到d客由入座等到埋单😤😤⋯⋯
讲到呢度，完全感觉到呢间餐厅真系好有问题🤨⋯⋯初初以为厨房唔够人，搞到侍应/传菜员都无能为力，连交枱入座都受影响，但其实set枱放menu、斟茶递水、吧枱、装饭𠮶d佢哋都可以做㗎，都系要三催四请🤦🏾♂️🤦🏻♀️ 连埋单都要花咁多时间对电话！冇食材自把自为塞你食其他更不在话下！。。。
一句讲晒，骨牌效应，完全失败。
张贴
