金山海鮮酒家

营业中

休息中

一朝早就红雨黄雨再红雨，天气十分差，但今日系礼品换领日deadline，点都要出黎佐敦拎左佢，拎完啦就去附近饮茶，横掂出左黎淋雨，无理由咁快走嘛。黎左庄士伦敦广场，目测有几间茶楼，朋友话拣金山，见佢个名够老土㖞😂搭䢂上到茶楼，见茶客同伙计都年近半百，呢间茶楼好有传统味。⭐脆皮炸鲜奶最先上枱系炸鲜奶，外脆内软充满奶香，好食👍⭐松化鸡蛋散劲大碟！劲大碟！劲大碟！新鲜炸起松脆有蛋香，重要劲多糖，超正！！⭐笑口叉烧包正常叉烧包味啰，馅料无过甜，合格。⭐干蒸牛肉卖个样同味道都同山竹牛肉差不多，同印象中嘅牛肉烧卖唔一样🤔但系好食嘅，牛肉球软滑，有马碲芫茜等混合。⭐潮州蒸粉果好多芫茜、沙葛同花生，香口又有口感。⭐原笼马拉糕好松软，正！呢间茶楼劲多伙计，两个人负责一条lane，虽然年纪大，但收碟冲茶不停手，感觉良好。