Canadian Pizza (俊宏軒) (已結業)

妈妈之前都已经买过两次外卖，本身今日谂住买俾屋企人食，就叫左2件烟三文鱼pizza ，加1件烟肉汉堡pizza。当时已经打咗一张单有3份pizza。当时正值烟三文鱼pizza出炉当刻，所以妈妈就想要2件新出炉的烟三文鱼，但因为吧枱仲有1件烟三文鱼，妈妈话可唔可以要2件新出炉既，但灰色衫店员就说：唔得！一定要一件新 同 一件旧既！ 妈妈：我都买两件，你一齐比两件新嘅我唔得咩？ 但灰色衫店员依旧话：唔得㖞，仲有个件你要唔要？咁妈妈依旧话张单系要，但灰色衫店员仲讲：咁你唔食呀！？ 咁咪唔好买啰！ 之后灰色衫店员直接就取消咗妈妈有3件既单，即系唔做我哋生意。妈妈就忍唔住话：我都买过两次野，咁样服务态度嘅。有另一个黑色衫店员认同我妈妈系买过两三次嘅，同一时间，就话灰色衫店员，咁样好冇礼貌，但灰色衫店员仲笑，觉得自己无问题。 但系黑色衫店员都系冇阻止去取消我妈妈张单。谂起我自己有次经过，想买个时，见到有其他姨姨既客人 去问呢个灰色衫店员有关餐牌上面嘅问题，但当时佢直接叫人：自己唔识睇㗎？ 我听完已经觉得好唔开胃，去咗第二度买嘢食。本身今日妈妈放假，开心谂住买新嘢食俾我哋食，点知呢间新舖头嘅服务态度