影片
更多
2017-06-12
8999 浏览
同屋企嘅老人家食饭，最紧要就系食得健康，同埋食物够新鲜。呢间位于西湾河文娱中心隔离嘅《潮福蒸气石锅》，轻易地就达到呢两样要求。 屋企人无论系阿婆定阿妈， 都食得称心满意。呢间蒸气锅推出咗海鲜任饮任食套餐，价钱都系三百几蚊一个人， 就可以食到多款嘅生猛海鲜，以及其他嘅配菜，非常抵食。一坐低就每人有一盅滋补炖汤， 我就拣咗老黄瓜炖唐排， 炖汤够晒热辣辣， 饮落非常顺喉， 色泽清澈， 够晒滋补。另外每人仲有半只脆皮乳鸽， 乳鸽皮烧得脆卜卜， 而且乳鸽亦都啖啖肉， 用嚟送啤酒饮番杯，就最适合不过。呢度嘅支装啤酒仲要系任饮， 仲有老豆最钟意嘅朝日啤， 就算系唔饮啤酒嘅妈咪， 都可以饮竹蔗茅根， 味道唔会太甜， 够晒清热润喉。每位有生猛龙虾半只， 由于龙虾非常之新鲜， 清蒸之后加入少许蒜蓉同青葱， 就成了我最喜欢嘅食法。 龙虾肉爽口弹牙， 味道鲜甜， 一食就知道系新鲜嘅货色。贝壳盛盆有青口同埋花甲， 我最欣赏嘅就系青口， 青口肉胀卜卜， 而且充满海水嘅咸味， 一定要系新鲜嘅青口， 先至可以食到青口独有嘅鲜甜味。自选海鲜方面可以拣四款，生㓥龙趸件非常肥美， 龙趸嘅鱼皮非常弹牙， 充满骨胶原， 龙趸嘅
呢间蒸气锅推出咗海鲜任饮任食套餐，价钱都系三百几蚊一个人， 就可以食到多款嘅生猛海鲜，以及其他嘅配菜，非常抵食。
一坐低就每人有一盅滋补炖汤， 我就拣咗老黄瓜炖唐排， 炖汤够晒热辣辣， 饮落非常顺喉， 色泽清澈， 够晒滋补。
另外每人仲有半只脆皮乳鸽， 乳鸽皮烧得脆卜卜， 而且乳鸽亦都啖啖肉， 用嚟送啤酒饮番杯，就最适合不过。
呢度嘅支装啤酒仲要系任饮， 仲有老豆最钟意嘅朝日啤， 就算系唔饮啤酒嘅妈咪， 都可以饮竹蔗茅根， 味道唔会太甜， 够晒清热润喉。
每位有生猛龙虾半只， 由于龙虾非常之新鲜， 清蒸之后加入少许蒜蓉同青葱， 就成了我最喜欢嘅食法。 龙虾肉爽口弹牙， 味道鲜甜， 一食就知道系新鲜嘅货色。
贝壳盛盆有青口同埋花甲， 我最欣赏嘅就系青口， 青口肉胀卜卜， 而且充满海水嘅咸味， 一定要系新鲜嘅青口， 先至可以食到青口独有嘅鲜甜味。
自选海鲜方面可以拣四款，生㓥龙趸件非常肥美， 龙趸嘅鱼皮非常弹牙， 充满骨胶原， 龙趸嘅肉质亦都爽口鲜嫩， 最正嘅就系龙趸嘅鱼腩位， 充满鱼油嘅香气。
北韩鲜鲍鱼食落啖啖肉， 鲍鱼掌握嘅时间要非常之准确， 先可以达致肉质弹牙、嫩滑嘅境界。
美国桶蚝同样地系大大只，蚝身非常肥美， 一咬落口，蚝味爆发， 一啲都唔腥。
另外其他嘅配料质素亦相当唔错， 清蒸嘅蔬菜非常健康， 可以食到蔬菜本身𠮶种甜味， 尤其喜爱超甜粟， 粟米粒粒饱满。
酿豆卜同埋酿冬菇亦都好好味， 猪肉嘅馅料非常适中。
值得推介嘅系荷叶饭， 想不到荷叶饭嘅size系迷你版， 一啖一口， 咁就唔会食得太饱。 荷叶饭又有荷叶的清香， 赞~
最后来个甜品清蒸马拉糕， 马拉糕唔会太甜， 为整个晚餐画上完美句号。
呢餐海鲜蒸气石锅， 无论上上下下都非常喜爱， 大赞一定要encore~
张贴
