影片
更多
2023-09-05
85 浏览
成日觉得要喺沙田区揾食，来来去去都离唔开新城市广场。今晚同个沙田街坊朋友食饭，佢就介绍啱啱转型嘅 2+2 Cafe & Bar。呢间以前系做自助餐，原来最近帝都酒店全面翻新，2+2 Cafe & Bar 都全面革新餐牌，将摩登元素融入于欧陆菜式之中，今晚都食咗几多特式菜。一开始叫两杯cocktail试下先，包括有 "2+2 Signature" 同 "Gulfstream"，前者有Bombay Sapphire Dry Gin, Campari, St Germen Elderflower Liqueur, Sparkling Wine，而后者就有Wodka Vodka, Grème de Peach, Pineapple Juice, Grapefruit Juice, Blue Curacao，两款都好啱夏天饮。食物方面，首先嚟个海鲜拼盘，内容都几丰富，有波士顿龙虾、生蚝、南非鲍鱼、北海道带子、虎虾，仲有唔同嘅酱汁，包括鲜辣根汁、辣根茄汁、青柠榄油、泰式酸辣汁、香辣蛋黄酱、南美香辣醋青酱，不过价钱都唔算好平。跟住我哋继续食得豪少少，叫个火焰龙虾干邑浓汤，每碗汤配1/2只新鲜龙虾，加
呢间以前系做自助餐，原来最近帝都酒店全面翻新，2+2 Cafe & Bar 都全面革新餐牌，将摩登元素融入于欧陆菜式之中，今晚都食咗几多特式菜。
一开始叫两杯cocktail试下先，包括有 "2+2 Signature" 同 "Gulfstream"，前者有Bombay Sapphire Dry Gin, Campari, St Germen Elderflower Liqueur, Sparkling Wine，而后者就有Wodka Vodka, Grème de Peach, Pineapple Juice, Grapefruit Juice, Blue Curacao，两款都好啱夏天饮。
食物方面，首先嚟个海鲜拼盘，内容都几丰富，有波士顿龙虾、生蚝、南非鲍鱼、北海道带子、虎虾，仲有唔同嘅酱汁，包括鲜辣根汁、辣根茄汁、青柠榄油、泰式酸辣汁、香辣蛋黄酱、南美香辣醋青酱，不过价钱都唔算好平。
跟住我哋继续食得豪少少，叫个火焰龙虾干邑浓汤，每碗汤配1/2只新鲜龙虾，加上个汤底嘅浓浓干邑香味，印象深刻。
友人叫黑松露泡沫野菌汤其实都唔错，菇菌嘅丰郁配上忌廉嘅香滑，好似cappuccino咁。
跟住我哋叫咗份鲜番茄松叶蟹樱花虾方形意大利面，特别欣赏呢度嘅pasta应该系自家制，口感弹牙，份量好大碟。
友人知道我最钟意食鱼，特别为我安排火焰海盐焗原条海鲈鱼，好似泰国餐厅食到个种做法，全条鱼用粗盐覆盖，好入味。
另一个main course我哋叫咗鹿儿岛A4厚烧和牛肉眼配烤虎虾，块和牛扒真系唔讲得笑，好厚切，入口啖啖油香，不过食完成块系会觉得有啲油腻。
系时候食甜品，我觉得呢度嘅甜品算系几出色，分别系榛子软糕、心太软配云尼拿雪糕，同埋Tiramisu Truffle，我个人最钟意食朱古力，所以最欣赏心太软。
今餐充满惊喜，可以推荐俾其他落沙田揾食嘅朋友仔。
张贴
