添福漢堡

营业中

休息中

搭巴士经过荔枝角道，无意间见到添福汉堡原来由深水埗搬左黎荔枝角同长沙湾中间，于是于落车去买外卖试下，价钱比旧铺好似贵左少少，或者可能系我几年冇食过旧铺啦，跟餐冇汽水，只跟薯条。本来我同朋友想买两个餐，分别系招牌添福汉堡，至尊黑椒牛堡及一个单买香脆鸡块，但店员好似未系好熟手，落左两次单，但最后都系错左，比左3个餐我。10分钟后，返到公司即刻拆黎食，虽然两个汉堡包外观垫偏左d，但肉质仍然好香，咬落有口感，包皮很脆，汉堡牛肉好松软，黑椒果个唔算好辣，冇M记果种咁辣。香脆鸡块有d似麦乐鸡，冇乜味，可能耐左，唔系好脆。而薯条够粗，外脆内软，仍然好食。饮品方面加左一杯蜂密柚子梳打同荔枝梳打，两杯甜味刚刚好，好有果肉同椰果，有咬口，有台式饮品店的水准，值得再去。