波仔

营业中

休息中

波仔呢个香港品牌应该系香港人都知。主要做冷藏预制食物，放入微波炉，一叮就食得。门市遍布港九新界，港铁站内都见到踪影。每次经过都会买啲波仔饭同烧卖返屋企看门口。佢嘅瑶柱鸡粒荷叶饭仲系旧年拎到亚洲农产品及农业技术展2023 首届大湾区预制菜专题馆嘅三粒味之星。味道同酒楼食真系一样㗎。仲新出咗干炒牛河，夜麻麻嘅时候就好方便，叮一叮有得食。呢间荃湾新店现场仲有各色小食、蒸饭、老火汤。行过快速解决一餐再返屋企又得。或者食个下午茶笃串鱼蛋又得。仲有特调饮品，咖啡、梳打、果茶等。我饮呢杯抹茶虎坚果燕麦奶特调，燕麦奶味同抹茶混合埋又几鬼好饮。