CRAZY THAI CUISINE

营业中

休息中

嚟到大埔，见到有间新开嘅泰式小店，炎炎夏日最啱食泰国菜式。先来一个串烧做小食，拣咗鸡同埋羊各三串，食物准备嘅时间较耐。幸好，串烧上菜嘅时候系热辣辣，保持到肉汁。配上酱汁都非常惹味。主菜点咗一个泰式脆皮猪手，其实脆皮猪手同出边其他国家嘅脆猪手冇乜太大分别，只系个酱汁比较酸甜开胃。配上一啲腌咗嘅酸瓜，唔算太多泰国特色。但脆皮猪手嘅皮就非常香脆，价钱都尚算合理。餐厅嘅餐牌唔算太过复杂，但都有不同嘅饭同埋面类选择。当一点左个菠萝炒饭，相对其他菜式就比较失色。味道唔算突出，但份量算多。餐厅全新营运，试业期间人手略为不足，等候时间较长。但小店都值得支持，大家有时间嘅话都可以过嚟一试。