御．八幡屋日本料理 (已結業)

今晚我们喺旺角做完嘢之后，行过兆万中心楼下有多间放题食店嘅店员派传单，其中一间叫「御·八幡屋日本料理」嘅店员话他们系全新装修过，而且唔需要排好长队等上十几楼，所以我们就决定去呢间食晚市放题！一入到去见到店内嘅环境装修都几光猛，而且坐位与坐位之间都算宽敞！一开始我们当然系叫咗个杂锦刺身拼盘嚟食咗先，众多款刺身大至上都几爽甜新鲜，但当中嘅鲷鱼就有非常重嘅泥味，呢样系令我们比较失望！海胆手卷嘅海胆唔系好新鲜，有啲「臭压」嘅味道！冷稻庭乌冬嘅面质超级腍身，一啲都唔弹牙，好似食紧发涨咗好多倍嘅面粉咁！豉汁炒蚬嘅蚬肉离晒壳，所以唔系好多蚬肉，但酱汁嘅味道就极之咸，咸到我们同隔离台嘅人客都要饮咗几杯饮品先解到啲咸味！日式温泉蛋就不过不失！盐烧大虎虾烧得嘅效果都几好，唔会烧到㶶晒，肉质相当爽甜弹牙，而且都几大只！黄金焗蚝嘅芝士味都几芳香，而且唔会有好腻嘅感觉，蚝就唔算好大只，但味道都几鲜味！味付螺肉嘅份量非常少，但味道都还可以，而且质感都几爽滑！