祥榮餐廳

营业中

休息中

以前成日经过呢间茶餐厅，总系觉得佢暗暗沉沉，所以虽然系正黄埔站出口好方便，但系都冇特别想入去食。 直到最近发现佢全新装修完全光猛晒，价钱唔贵，又多卡位， 感觉几舒服， 所以就专登去帮衬吓啦🥣。🌟 古法蒸马友🐟佢有好多款鱼，同埋有唔同嘅整法俾你自由配搭。 马友肉质嫩滑而且大条多肉💫🌟 XO酱西兰花炒花枝🥦餐厅好细心，因为蒸鱼需时， 餐厅等上左条鱼之后先至上小菜同埋白饭，变咗啲𩠌唔会冻晒。上枱时热辣辣， 花枝仲多过菜，超足料整体食物质素OK，唔会太咸太味精，对于我哋呢啲无饭家庭🏠黎讲有时唔想餐餐又煎又炸。 有时想叫下小菜蒸条鱼食下，呢间茶餐厅都系一个唔错嘅选择。😍