饑餓館 (已結業)

好耐冇去鴨脷洲西邨，發現街市旁邊開咗好多餐廳，決定搵間醫肚。見到一間饑餓館，啱晒我而家嘅狀況。餐廳環境乾淨企理。主打多款墨西哥卷餅，仲可以追加薯條，沙律同雞翼。蕃茄肉圓肉丸多汁，一口一個，蕃茄醬汁細細燉煮，風味豐厚迷人。燒栗米和芝士香甜粟米，加上超多邪惡芝士，實在無法抗拒。墨西哥雞翼肉質嫩滑多汁，帶微辣，惹味開胃。 沙律沙律菜鮮嫩翠綠，非常清新。芝士煙肉雞蛋烏冬醬汁香滑濃稠，將日式同西式食法結合。蛋味香滑濃郁，烏冬口感煙韌。墨西哥雞肉牛肉卷餅配上香脆薯條，卷餅帶濃郁穀物香，口感柔軟有韌勁，層次豐富。餡料十足，清脆生菜，配上軟嫩雞肉及牛肉，口感十足。