饑餓館

营业中

休息中

黃竹坑社畜👩🏻‍💼 食野食到悶悶地🥱 所以要襯luncf time 搭2個站去鴨利洲覓食😎😎 果然去到西邨街市見到店名特別的饑餓館🥹🥹見店鋪以墨西哥菜作主打🇮🇹 就行左入去試下🤗🤗

好耐冇去鴨脷洲西邨，發現街市旁邊開咗好多餐廳，決定搵間醫肚。見到一間饑餓館，啱晒我而家嘅狀況。餐廳環境乾淨企理。主打多款墨西哥卷餅，仲可以追加薯條，沙律同雞翼。蕃茄肉圓肉丸多汁，一口一個，蕃茄醬汁細細燉煮，風味豐厚迷人。燒栗米和芝士香甜粟米，加上超多邪惡芝士，實在無法抗拒。墨西哥雞翼肉質嫩滑多汁，帶微辣，惹味開胃。 沙律沙律菜鮮嫩翠綠，非常清新。芝士煙肉雞蛋烏冬醬汁香滑濃稠，將日式同西式食法結合。蛋味香滑濃郁，烏冬口感煙韌。墨西哥雞肉牛肉卷餅配上香脆薯條，卷餅帶濃郁穀物香，口感柔軟有韌勁，層次豐富。餡料十足，清脆生菜，配上軟嫩雞肉及牛肉，口感十足。

海怡半島A出口過條天橋到街市就見到飢餓館。烏冬套餐最平$45 。重有飲品送，好平呀！❤️嗌咗個芝士煙肉雞蛋烏冬將蛋黃刺穿，混入烏冬內，蛋黃汁掛在烏冬上，很美味。芝士煙肉🥓為烏冬添上鹹味。烏冬口感煙韌滑溜～😚❤️墨西哥牛肉卷餅全部卷餅送薯條🍟或沙律🥗加飲品全部卷餅都有芝士同埋辣汁。如果唔要芝士同埋辣汁可以話俾侍應聽。侍應主動問我要唔要辣，我話唔需要。牛肉牛味香濃卷餅餡料豐富，有酸甜多汁蕃茄、爽脆生菜、紫洋蔥🧅和芝士條，還加上了沙律醬。卷餅薄得黎煙韌👍🏻。薯條係檸檬胡椒味，剛炸起呈金黃色，入口熱辣辣又香又脆。檸檬胡椒味酸酸地辣辣地，令人不禁食完一條又一條。另外嗌左兩個小食。❤️蕃茄雞肉丸有大量蕃茄汁🥫，酸酸甜甜好開胃😋。重有d芝士，芝味十足。❤️燒粟米和芝士未食之前以為會燒到好乾爭爭，點知竟然保留到水份，食落有粟米嘅甜。芝士切成絲撒在面，食落有芝士味。飲品可自行到雪櫃取。

南區隱藏好多獨特美食,鴨脷洲聽起來似乎好遠但其實港鐵通車後,由金鐘20分鐘即可到達.某日心血來潮行行海怡工貿後試了間小店,店舖特別又便宜.地方雖小但食物品種豐富,西式食物中帶墨西哥風味,期間不時都有外賣單,而且店員充滿人情味.🔸芝士煙肉雞蛋烏冬($45)烏冬非常彈牙,表面加上流心蛋及少許芝士醬汁,增加濕潤感.加上脆口煙肉,有卡邦尼感覺.套餐已包飲品,另外加$8更有薯條,沙律或雞翼三隻.薯條亦有驚喜~加上檸檬汁及黑椒,更顯清新及減膩.套餐非常豐富又經濟🔸墨西哥雞肉牛肉捲餅($88)玉米粉皮軟熟不乾身,餡料非常爆滿.內含雞肉和牛肉,而且滿滿生菜及蕃茄,微辣醬汁增添惹味,健康又飽肚🔸蕃茄肉丸($25/6pcs)肉丸由雞肉製作而成.口感彈牙有雞肉香味,加上自製茄汁,微酸開胃🔸燒粟米芝士($20)🔸墨西哥雞翼($22/3隻)兩種小食都充滿墨西哥風味.微焦粟米清甜,鋪滿芝士更香口. 雞翼脆口不乾身,帶有墨西哥香料味

平時去西邨街巿買野，都有見過呢開左，今次第一次來試下牛卷，都吾差多d香料味更加好，我要配沙律，一見到個沙律，我問點解冇汁，佢地話落左自家制意大利油醋汁，食落又繼好食. 性價比都幾高.

如果你想體驗舊香港風情，不妨去一趟鴨脷洲，一個位於南區嘅小島。你可以搭乘最傳統嘅舢舨，欣賞港灣美景，又或者去參觀歷史悠久嘅洪聖古廟同水月宮。當然，唔少得去試下當地嘅美食啦！今次就同大家介紹一間位於西邨街市內嘅小食店——饑餓館。燒栗米和芝士：用新鮮嘅栗米燒至金黃香脆，再撒上勁多嘅芝士碎，令人口水直流，如果你係芝士控，唔好錯過呢款小食啦！蕃茄肉丸係一款簡單而美味嘅小食，用新鮮豬肉製成彈牙嘅肉丸，再用自製蕃茄汁煮，令肉丸吸收到蕃茄嘅鮮甜味道。墨西哥雞翼係一款帶有南美風味嘅小食，用惹味嘅墨西哥香料醃製雞翼，再用油炸至外脆內嫩。辣度適中，仲可以刺激味蕾同增加食慾。墨西哥雞肉牛肉卷餅：用軟滑嘅玉米粉皮包裹著香噴噴嘅雞肉同牛肉碎，再加上生菜、番茄、洋蔥、芝士同墨西哥辣醬，令每一口都充滿層次感同香氣。辣度適中而唔會過火，亦可以走辣醬，如果你想試下一啲有特色嘅卷餅，呢款主食一定唔會令你失望！芝士煙肉雞蛋烏冬：用彈牙嘅烏冬面條拌上濃郁嘅芝士汁，再加上香脆嘅煙肉同流心嘅水煮蛋，令每一口都充滿濕潤同彈性。呢款主食非常適合愛吃芝士嘅人士，芝士汁唔會太膩而且香氣十足。田園沙律係用多款新鮮嘅蔬菜，再淋上自製嘅油醋汁

呢日去開鴨脷洲行outlet，記得鴨脷洲西村街市好多野食所以就諗住係個度搵野食～見到呢間餐廳好似坐得幾舒服，價錢又唔貴就入左去搞點晚飯😌呢度個menu分左墨西哥卷餐同烏冬餐～墨西哥卷餐平均$60幾有埋飲品同薯條/沙律；烏冬餐就$40幾有埋飲品，好抵食！墨西哥雞肉卷餅見到個卷餅切開左d料多到呢……雞肉仲食得出用左孜然粉醃👍🏻辣汁都啱啱好唔會太辣，又唔會太多食到成手都係汁👍🏻薯條灑左d味粉，幾好食！香辣蕃茄肉丸烏冬烏冬用左稻庭烏冬，煙煙韌韌～肉丸食落有d似傢俬店個隻，唔錯👍🏻個汁辣辣地幾惹味！另外配左個沙律，都幾大碗！同埋一碗入面有幾種唔同既沙律菜，又有蕃茄同洋蔥，好有心思！d沙律汁係特別調教過，酸酸地幾開胃😋