影片
更多
2022-06-17
301 浏览
再次encore乐富呢间日式意大利菜！不过今次黎竟然唔系食意粉呀薄饼呀，而系全新推出嘅Omakase！日本籍料理长团队 将日本元素融入意大利菜之中，采用季节性食材，打造岀精致嘅菜式，更有wine pairing供酒鬼们选择。餐厅划分左一个较为隐蔽嘅区域 比享用Omakase嘅客人。想食嘅记得预早2至3日订位呀~▪️OMAKASE $788pp with sakes/ cocktails pairing $1008pp1️⃣海胆三文鱼子柚子醋沙律海胆软滑一啲都唔腥，底下嘅海藻好爽口，旁边仲有啲三文鱼子一添咸香。配埋酸酸甜甜嘅柚子醋啫喱，口感丰富，湿润多汁，系一道相当开胃嘅前菜~ 唯独海胆嘅鲜味 比较容易被柚子醋盖过。🍶Sake -伝心「雪」纯米吟酿🍸Sake Cocktail 2️⃣焗日本生蚝餐厅采用长崎县生蚝，加入马爹利酒，凸显蚝嘅鲜味，面头更舖满芝士。生蚝爽滑多汁，肉质丰满，一啲都唔腥！不过由于面头实在太多芝士，初初入口会先食到芝士嘅咸香，继而先食到蚝嘅鲜甜。3️⃣松叶蟹肉牛油果他他沙律 牛油果蓉口感软滑，松叶蟹肉海水味十足。饮返啖Sake，蟹肉鲜味更浓郁。沙律面头仲舖左好多爽口蔬菜，包保今餐有纤
日本籍料理长团队 将日本元素融入意大利菜之中，采用季节性食材，打造岀精致嘅菜式，更有wine pairing供酒鬼们选择。餐厅划分左一个较为隐蔽嘅区域 比享用Omakase嘅客人。想食嘅记得预早2至3日订位呀~
▪️OMAKASE $788pp
with sakes/ cocktails pairing $1008pp
1️⃣海胆三文鱼子柚子醋沙律
海胆软滑一啲都唔腥，底下嘅海藻好爽口，旁边仲有啲三文鱼子一添咸香。配埋酸酸甜甜嘅柚子醋啫喱，口感丰富，湿润多汁，系一道相当开胃嘅前菜~ 唯独海胆嘅鲜味 比较容易被柚子醋盖过。
🍶Sake -伝心「雪」纯米吟酿
🍸Sake Cocktail
2️⃣焗日本生蚝
餐厅采用长崎县生蚝，加入马爹利酒，凸显蚝嘅鲜味，面头更舖满芝士。生蚝爽滑多汁，肉质丰满，一啲都唔腥！不过由于面头实在太多芝士，初初入口会先食到芝士嘅咸香，继而先食到蚝嘅鲜甜。
3️⃣松叶蟹肉牛油果他他沙律
牛油果蓉口感软滑，松叶蟹肉海水味十足。饮返啖Sake，蟹肉鲜味更浓郁。沙律面头仲舖左好多爽口蔬菜，包保今餐有纤维。又系相当清新嘅一道~
🍶Sake -菊正宗 鲜榨生贮藏酒
🍸Gin Cocktail
4️⃣火炙酱油本鲔中拖罗
中拖罗经火炙，但脂香都唔算突岀，普通~ 胜在软滑无筋，鱼味突出。
5️⃣银鳕鱼西京烧
银鳕鱼肉质相当嫩滑，一片一片入口即化。酱汁以白味噌做底、加入清酒作调味，甜甜咸咸嘅味道同银鳕鱼基本上系不败组合。调味恰到好处，唔会过浓而盖过鱼肉本身。配埋酒精浓度较高、较辛口嘅清酒，鱼味更为突出。
🍶Sake - 长龙酒造 吉野杉之樽酒
🍸Whiskey Cocktail
6️⃣鲍鱼烩饭
鲍鱼烩饭
14 浏览
0 赞好
0 留言
一上枱就闻到劲香！鲍鱼软腍有弹性，富炙烧香。烩饭口感偏软腍偏湿，入口浓浓嘅忌廉同黑椒味。偶尔咬到三文鱼子，更可一添咸香鲜味。无论食到几饱都好，都忍唔住食晒。骤眼望仲见到啲烟肉碎，不过食落存在感偏低，如果可以煎得香脆啲就好啦~
7️⃣料理长甜品：朱古力蛋糕 & 哈密瓜
蛋糕质地同平时嘅有啲唔同，滑得黎偏实在。店员就话蛋糕有个特别嘅食法：一啖cream一啖蛋糕咁食~ 单食蛋糕真系会觉得实在左啲，加埋cream就会较为滑溜轻身啲。不过始终朱古力味唔算好浓郁，整体偏腻，个人普普通通~
而哈密瓜就好岀色！香甜多汁！可以中和油腻感，都算为呢餐画上完美嘅句号。🍶Sake - 月山酒造 银岭月山佐佐良月
🍸Umeshu Cocktail
张贴
