影片
更多
2024-07-25
605 浏览
平时去炑八多数都系叫佢哋嘅套餐，听朋友讲最近旺角琼华分店推出咗限定全日放题，有3个级别嘅肉可以选，一于同老公去试下新嘢先。 A. 特选烧肉放题 (90分钟)B. 匠心烧肉放题 (90分钟)C. 至尊烧肉放题 (120分钟) 今次我哋拣咗匠心烧肉放题，除咗牛之外，仲有前菜、🐷猪、鸡🐔、海鲜、蔬菜同埋韩式料理，食物多达60款任食。 店员先喺炉边加蛋同埋芝士🧀，而且会不时问你需唔需要refill。 我哋第一转基本上每一款牛都有点，试下边款最好味先，之后就主打点顶级降霜牛小排、月见韩牛前胸肉、韩牛贝身肉、薄切牛舌。个顶级降霜牛小排真系好正，含霜降油花，加热后油香释出，芳香扑鼻，肉质柔嫩。 香烤猪五花拥有丰富嘅脂肪，烧烤时，肉中冒出大量猪油，令五花肉外皮酥脆，又带著火烧的嘅香味，超美味！😋 海鲜方面，生蚝算肥美，蒜蓉牛油混合埋一齐食非常美味；大虾新鲜弹牙；八爪鱼亦新鲜软嫩。 我哋点咗个韩国炒鸡半份（原味）🐔，份量非常多，同平时散叫一样咁多，一啲都无缩水，真系回晒本。炒鸡即叫即炸，食落热辣辣，外皮金黄香脆，炸粉又唔会过厚，肉质嫩滑多汁。除咗原味之外，仲有酱油味、 蜂蜜牛油味、甜辣同埋芝士味可以选择
平时去炑八多数都系叫佢哋嘅套餐，听朋友讲最近旺角琼华分店推出咗限定全日放题，有3个级别嘅肉可以选，一于同老公去试下新嘢先。
A. 特选烧肉放题 (90分钟)
B. 匠心烧肉放题 (90分钟)
C. 至尊烧肉放题 (120分钟)
今次我哋拣咗匠心烧肉放题，除咗牛之外，仲有前菜、🐷猪、鸡🐔、海鲜、蔬菜同埋韩式料理，食物多达60款任食。
店员先喺炉边加蛋同埋芝士🧀，而且会不时问你需唔需要refill。
我哋第一转基本上每一款牛都有点，试下边款最好味先，之后就主打点顶级降霜牛小排、月见韩牛前胸肉、韩牛贝身肉、薄切牛舌。个顶级降霜牛小排真系好正，含霜降油花，加热后油香释出，芳香扑鼻，肉质柔嫩。
香烤猪五花拥有丰富嘅脂肪，烧烤时，肉中冒出大量猪油，令五花肉外皮酥脆，又带著火烧的嘅香味，超美味！😋
海鲜方面，生蚝算肥美，蒜蓉牛油混合埋一齐食非常美味；大虾新鲜弹牙；八爪鱼亦新鲜软嫩。
我哋点咗个韩国炒鸡半份（原味）🐔，份量非常多，同平时散叫一样咁多，一啲都无缩水，真系回晒本。炒鸡即叫即炸，食落热辣辣，外皮金黄香脆，炸粉又唔会过厚，肉质嫩滑多汁。除咗原味之外，仲有酱油味、 蜂蜜牛油味、甜辣同埋芝士味可以选择。
迷你烤牛肉盖饭细细碗，份量啱啱好， 唔使怕食完个饭食唔到其他嘢。 烤牛肉软嫩份量亦够多，味道可口。
人参鸡汤都好大碗，鸡汤乳白浓郁，渗发出淡淡嘅参香，鸡炖得好软嫩，而且鸡肉入面仲包含糯米，口感丰富。
水冷面面身烟韧弹牙，极有嚼劲。梨片和青瓜清甜爽口🍐🥒，大热天时食，真系透心凉😌。
出面自助吧有基本啤酒汽水任饮，不过如果想饮啲特色饮品，可以每位加$28 升级饮品放题。
最后食埋杯雪糕就非常之完满喇！🍦
张贴
