鳥匠

营业中

休息中

🤭次次经过石板街，都觉得佢嘅门面好靓，亦都好出众。又去到中环食午饭嘅时间，今次就同同事仔happy long lunch， 先至够胆book呢间。 😅🙇🏻‍♀️我哋好好彩坐正喺师傅面前，可以睇佢席前烧。三个师傅全部都系日本人，佢哋冇停过手喺厨房好有协调咁👍menu上有好多选择， 基本上我样样都想试，呢间主打系烧鸟，所以我哋都落咗好多。烧鸡腿，烧鸡翼，免治鸡肉棒，鸡软骨，鸡肉卷 ，我哋都叫晒，每一样都好出色好好味，烧得啱啱好，外脆内软，味道又不会单一，因为有唔同嘅腌料同埋调味。 🍳玉子烧， 豆腐，🫛芦笋，🍡冬菇，🍄鸡髀菇， 🥓烟肉芝士卷，🐷豚肉芦笋卷🫡全部都无可挑剔，因为真系师傅全程望住个火， 先后有序地处理食材同埋烧物。我哋仲有嗌咗个🍱亲子丼，系上晒啲烧物后先至上。所有嘢都好step by step，基本上你落咗单之后就可以完全唔使理所有野，只系等食就得。🫨我哋都有留意到师傅系唔会理你先落单定系隔离枱先落单，佢哋烧嘢嘅次序真系会有佢哋嘅考量，例如先烧鸟，后烧其他，豚肉，野菜，然后佢哋会知道我哋嗌嘅烧物得七七八八，佢哋先至整亲子丼。所有嘢都系师傅嘅掌控之中，呢种体验好特别，好强迫症，哈哈。