民華餐廳

营业中

休息中

夜晚都有得食常餐，环境舒适，冷气够晒冰冻，位置唔算好迫，坐落都算舒服。牛肉米粉仲要系番茄汤，入口酸酸甜甜好好味，而且牛肉用嘅系新鲜牛肉，入口爽口弹牙，牛味又重，米粉份量好多，难得配上呢个汤底越食越好味。话明系常餐就梗系配有多士啦，加两蚊，仲可以将佢成为奶油多，果然抵呀，鸡蛋今次我选择左太阳蛋，餐肉厚度适中，唔会好似某啲茶餐厅咁，薄过纸，果然够正餐饮方便我选择咗咸柠水，唔好睇小呢杯咸柠水啊，有成全国咸柠喺入边，真系冲多两杯都仲够味呀。喉咙痛饮佢真系一流啦。烧卖，新鲜蒸起，一份仲有成四粒，虽然表面冇虾喺上边，但系食落依然爽口弹牙，粒粒都好大粒。