元元酸菜魚

营业中

休息中

元元酸菜鱼 📍钻石山龙蟠街3号荷里活广场1楼173B-174号舖元元酸菜鱼有个几抵食嘅全日套餐，二人餐有埋酸菜鱼都系 $388， 包一碟冷盘，一份小炒，两碗白饭同饮品。比散叫真系平，仲要星期一至日都有供应。冷盘拣咗口水鸡，啖啖肉酱汁又多，系几开胃。小炒我哋要咗个炒土豆丝，酸辣口味刺激又醒神，重点系好大碟😂 可能两个大男人食先清得晒！主角酸菜鱼份量多，足够2-3人食，鱼肉嫩滑，里面有各式配料，例如芽菜、莴笋、薯粉、黑木耳、豆卜。汤底属于较重鱼汤味，带有姜辣味道，而且极体比较清淡，唔会有一层油系面果种。佢地嘅摆盘设计冇额外加热，所以唔怕鱼肉片耐咗质感会变鞋，可以慢慢食。因为唔想要两份白饭，所以加钱$25换咗个担担面。肉酱比例平均，汤都算杰身，白饭以外都系一个可以考虑嘅选择。