陳師傅自製點心專門店

营业中

休息中

星期五晚上光顾，先讲整洁评分，地下冇垃圾，枱面和茶具都清洁满意，整体良好。有4人卡位，有6人圆枱两张，有4人长枱，长枱合埋可坐8人，坐得算舒服。点心方面，一般蒸饭炸物甜点都有，种类算多样化，还有套餐供应，几款炒饭和蒸鱼，包豆浆一杯，最特别系有寿包预订。茶位每人$10，有QR code落单，够方便。星期一至五早午晚冇加一，其它日子要加一，所以识饮要平时光顾，唔计较加一随时帮衬都冇问题。今次叫咗10样点心，除咗糯米饭较硬，罗白丝鱼饼过腍，味道大致满意，只是点心款式过于传统，所以只为食点心，可以一试，如想试一啲特别嘅点心，恐怕会失望。点心每款价钱不同，不是用小点中点大点计算。传统酒楼蒸嘅点心，好多时都会垫底，垫底嘅意思系，例如牛肚下面会垫芋头，山根之类。这里嘅蒸点心，都有垫底，一碟点心，两种味道，好唔好就见人见智。总结最满意系枱椅餐具十分整洁，晚上套餐价钱略高，点心未加一价钱尚可，平时帮衬较着数。