意粉屋 (已結業)

不时都有食意粉屋，通常系晚餐，说也奇怪，下午茶真系一次都未试过。今日行过比门口黑板吸引咗，见到啤酒买一送一，买清楚店员系全无限制，全日供应，咁就同几个老友啤啤佢。 法式圣诞鹅肝酱拼盘$108叫咗四枝HOEGAARDEN啤酒,除开都系$21/枝，仲用冰杯上台，抵过去七记饮，但有酒岂能无肴？叫咗个圣诞前菜提早贺圣诞，味道中规中矩，但胜在份量够款式多。 下午茶配酥皮龙虾汤$69另外叫咗一份PIZZA加酥皮汤。PIZZA够热够脆，略嫌材料单薄。酥皮做得松化咸香，令平平无奇嘅龙虾汤即时加分。 喺下午茶时段，堂食客人唔多，环境清静啱倾偈。如果$200楼下包四枝啤酒加小食拼盘，的确物超所值。