海港酒家

营业中

休息中

呢间啲招呼系我有生以嚟未见过咁差嘅，成日见啲侍应闹客，我都领教过，一次就话我好转枱，佢以为我听唔到，点知我全部听到; 另一次仲衰，个侍应就企喺我侧边，但就同对面搭枱位先生打牙较，只手喺我面前挥来挥去，差啲发到我，我于是同佢讲「你倾计讲嘢行过对面啦！」，点知佢发恶，话企喺度有乜问题，仲同我嘈起上嚟，大佬呀！我倒紧茶你突然摄入嚟企喺我隔离，仲倾计倾到唔舍得走，对面阿生隔离大把位，你大可以过去同佢慢慢倾丫，仲要只手喺我侧边挥来挥去，望住佢呢，佢又当睇你唔到，迫住要开声话佢，佢又唔话得，卒之要经理叫佢唔好嘈至肯罢休，海港请啲咁嘅伙计，认真系好招呼。 其实佢地啲伙计咁巴闭，根本就系管理层有问题，佢地根本唔怕比人投诉，管理层嘅纵容应计一功。