影片
更多
2015-09-26
2027 浏览
初尝生昌禁果，心血来潮，即刻系大埔飞百三蚊的士过黎开餐，慕名而来，第一次帮衬 ﹗个 menu 真系好多野想食、好多野想试，但得两个胃叫唔得多野啦。Order 左多款美食，即刻摆好个调味料阵先！东面有啡色面豉酱配乌头、北面有浙醋配冻蟹、南面蒜粒白醋配卤水鹅，西面仲有碟唔知咩混酱配蛳蚶添。盐焗元朗乌头，打晒标签证明货真价实元朗渔场。哗！从来未见过如此爆汁黄油，都唔知几多年无食过有黄油既乌头喇，超乎想想既惊喜，好感动啊！鱼油甘香甜美，鱼味特浓，鱼肉又特别嫩滑多汁，一定要将鱼肉放系黄油里面滚动，沾得黄油满满的才放入口，味道鲜甜到想落泪呀！转眼成条鱼蒸发得一干二净，得返层皮同棚骨乍，连骨都想损埋，真系超美味！冷乌头非试不可！另外佢地个面豉酱唔太咸㖞，仲泛著淡淡清甜味道，推介。潮州冻蟹，劲抵食，平到只蟹都识笑，大大只都只需二百蚊，系街巿买只新鲜都要百四五蚊，真超值。肉质鲜嫩、啖啖肉，又有膏，正呀﹗点少少浙醋不停啜，酸甜鲜味又开胃！豉汁田螺，由细到大我都有啲抗拒，细个唔识食，成条放入口吞晒落肚，好嗅呀﹗原来田螺跟东风螺、花螺、角螺唔同，条尾唔食得架啰。可能搞到有阴影，以后唔再食港式炒田螺。事隔多年，
初尝生昌禁果，心血来潮，即刻系大埔飞百三蚊的士过黎开餐，慕名而来，第一次帮衬 ﹗个 menu 真系好多野想食、好多野想试，但得两个胃叫唔得多野啦。
Order 左多款美食，即刻摆好个调味料阵先！东面有啡色面豉酱配乌头、北面有浙醋配冻蟹、南面蒜粒白醋配卤水鹅，西面仲有碟唔知咩混酱配蛳蚶添。
盐焗元朗乌头，打晒标签证明货真价实元朗渔场。哗！从来未见过如此爆汁黄油，都唔知几多年无食过有黄油既乌头喇，超乎想想既惊喜，好感动啊！鱼油甘香甜美，鱼味特浓，鱼肉又特别嫩滑多汁，一定要将鱼肉放系黄油里面滚动，沾得黄油满满的才放入口，味道鲜甜到想落泪呀！转眼成条鱼蒸发得一干二净，得返层皮同棚骨乍，连骨都想损埋，真系超美味！冷乌头非试不可！另外佢地个面豉酱唔太咸㖞，仲泛著淡淡清甜味道，推介。
潮州冻蟹，劲抵食，平到只蟹都识笑，大大只都只需二百蚊，系街巿买只新鲜都要百四五蚊，真超值。肉质鲜嫩、啖啖肉，又有膏，正呀﹗点少少浙醋不停啜，酸甜鲜味又开胃！
豉汁田螺，由细到大我都有啲抗拒，细个唔识食，成条放入口吞晒落肚，好嗅呀﹗原来田螺跟东风螺、花螺、角螺唔同，条尾唔食得架啰。可能搞到有阴影，以后唔再食港式炒田螺。事隔多年，今日再放胆一试，依家知道点食会安全好多。一上枱香气扑鼻，香气跟著白烟四散。拮只试试，食落就不过不失啦，咽咽韧韧，个汁就非常美味，香浓豉椒蒜蓉带微辣惹味。朋友仔就劲喜欢，连汁都饮埋 ﹗
白灼蛳蚶，好正宗既潮州食法，只系略灼，全部未开口架 ﹗保存住所有鲜红色汁液，好补血架呢。口感爽到爆、非常鲜嫩，同日本赤贝差不多。我试过自己灼，灼到开口就即刻食，但一开口啲精华已经全部走晒喇，以后我都知点煮喇。
白灼蛳蚶，真系超新鲜，爽甜到不得了，点浙醋同吃，好味到震！如果能够整得干净一点就更好，里面依然好多泥浆黐住，打开要睇清楚先放入口呢。
潮州肉碎蚝仔粥，水汪汪，茫茫大海﹗占左三份二都系汤，料实在太少﹗蚝仔鲜味又滑溜，系 size 细啲啰。汤底香甜，都几好食。迷你蚝仔虽小，但五脏俱全，肥美饱满，一咬爆浆鲜嫩。加点胡椒粉连粥一齐食，满意。
潮州卤水鹅片，份量少得震惊，刚好有十少块，垫底豆腐反而劲多。质地干鞋硬兼无肉汁，卤水味道阴沉无香味而且单调，淡而无味，差劣。唔怪知得间舖头咁出名都无提过或推介过啲卤水野啦，偏重于海鲜类。大家都习惯左潮州打冷必食卤水鹅，但唔系生昌啰。大大旧豆腐干表面舖上十小片干鞋鹅片，好难食既豆腐干带酸缩味，免强点酸食左两件，放弃。
好饱啊，大满足！埋单 HKD600 有找，6 个𩠌坚抵食啦，一定会再黎，等我呀乌头！
食饱饱，行过对面等巴士或小巴去大围火车站。回望打冷舖，依依不舍，美味！只系位置比较隔摄啰。原来除左生昌打冷舖外，附近仲有好多饭店架㖞，依家先知。
张贴
