影片
更多
2019-06-20
1531 浏览
之前帮衬开当时系Cubus嘅竹寿司, 但自从相熟寿司师傅离开后就好少去。所以当竹搬到现址时, 佢系我心目中都仲系一间鮨店, 但又忽然间做埋铁板烧同天妇罗。我一向对呢啲包罗万有嘅餐厅信心不大。但见餐厅开张做宣传时其中一个卖点系出身于东京米芝莲二星Tentenpura Uchitsu嘅原荣作 Eisaku Hara师傅, 我个人一向肤浅信名牌所以最后决心一试, 结果系惊为天人。香港嘅天妇罗店集中系上环, 大概都试过, 几间都较传统, 食物唔错但种类都几一成不变嘅感觉。自从食过东京嘅Takiya之后, 发觉原来天妇罗加怀石料理又可以有一番新景象, 而呢度就俾到我近似嘅感觉。同传统天妇罗主要分别系有冷盘或其他非油炸嘅食品, 梅花间竹咁出现系天妇罗之间, 炸炉用绵籽油而唔系麻油, 炸出嚟感觉轻盈好多亦冇咁大油烟味。另外天妇罗除咗平时嘅汁同盐之外, 颇多件会再有特定调配嘅酱汁。整个用餐过程丰富好多, 而且多咗机会去融入一啲时令材料。 其实第一次去已经系上次十月嘅事, 前后食过三四次。以下几种最特别同值得推介。 岩蚝, 岩手县嚟, 炸完都仲系超巨型厚身, 蚝味颇重好Creamy唔会水汪汪, 通常要分
之前帮衬开当时系Cubus嘅竹寿司, 但自从相熟寿司师傅离开后就好少去。所以当竹搬到现址时, 佢系我心目中都仲系一间鮨店, 但又忽然间做埋铁板烧同天妇罗。我一向对呢啲包罗万有嘅餐厅信心不大。但见餐厅开张做宣传时其中一个卖点系出身于东京米芝莲二星Tentenpura Uchitsu嘅原荣作 Eisaku Hara师傅, 我个人一向肤浅信名牌所以最后决心一试, 结果系惊为天人。
香港嘅天妇罗店集中系上环, 大概都试过, 几间都较传统, 食物唔错但种类都几一成不变嘅感觉。自从食过东京嘅Takiya之后, 发觉原来天妇罗加怀石料理又可以有一番新景象, 而呢度就俾到我近似嘅感觉。同传统天妇罗主要分别系有冷盘或其他非油炸嘅食品, 梅花间竹咁出现系天妇罗之间, 炸炉用绵籽油而唔系麻油, 炸出嚟感觉轻盈好多亦冇咁大油烟味。另外天妇罗除咗平时嘅汁同盐之外, 颇多件会再有特定调配嘅酱汁。整个用餐过程丰富好多, 而且多咗机会去融入一啲时令材料。
其实第一次去已经系上次十月嘅事, 前后食过三四次。以下几种最特别同值得推介。
岩蚝, 岩手县嚟, 炸完都仲系超巨型厚身, 蚝味颇重好Creamy唔会水汪汪, 通常要分三四啖先食得完。
蕃薯, 呢个真系手工菜, 鹿儿岛嚟嘅, 要先经两星期时间熟成, 炸之前先蒸六小时, 再上浆炸, Rest之后再炸, 最后加上一片牛油上碟。蕃薯本身已经好香甜, 个质感好似半溶咁但又保留些丁点咬口🤤
宫崎和牛大叶天妇罗 (唔包括系午餐内), 其实简单配盐已经好好食。Hara san再配上蛋黄Sukiyaki汁直头系一绝。后面有BB洋葱或芦笋天妇罗做Sidedish。其他食物全都高水准唔一一介绍喇。
最后想提嘅就系Hara san师傅对食物𠮶份热诚, 睇住佢准备菜式时嘅认真同一丝不苟但又乐在其中咁, 离开时又亲自送你出门口咁。所以总括食物, 环境, 服务等, 个人认为绝对系全港最佳嘅天妇罗厨师发办。
车海老 | Kuruma ebi
27 浏览
0 赞好
0 留言
岩蚝 | Oyster
32 浏览
0 赞好
0 留言
岩蚝 | Oyster
17 浏览
0 赞好
0 留言
宫崎牛 | Miyazaki beef
19 浏览
0 赞好
0 留言
蕃薯 | Sweet potato
21 浏览
0 赞好
0 留言
马粪海胆 | Bafun uni
20 浏览
0 赞好
0 留言
粟米, 秋葵 | Corn & Okra
17 浏览
0 赞好
0 留言
前菜 | Appetizers
13 浏览
0 赞好
0 留言
天茶 | Tencha
16 浏览
0 赞好
0 留言
张贴
