長發麵家 (已結業)

我够胆讲系全港第一，请听我从头讲起，小时候有亲戚住石硖尾邨，由70年代初就开始去食，而家掌陀嘅三兄弟都做咗四十年，香港嘅面店有两大流派，潮州式同广州式，潮州以鱼蛋黑鱼丸为主打，亦有以卤水牛腩牛杂或清汤牛腩为卖点。但云吞水饺就唔系佢哋专长，纯粹迎合市场需要而做。广州式主打云吞水饺，配以柱候牛腩，南乳猪手为主。出名嘅有麦氏家族各分支，好旺角，刘森记等，有自己打面亦有同面厂订，长发系厂订嘅，却保持质素四十年，而点解佢系天下第一，佢以广州面店做法，却同时做出极品鱼蛋同黑鱼丸，每星期都有生㓥大门鳝做鱼蛋，新鲜墨鱼做墨鱼丸，偶有炸鱼皮出现，你食到系几生修到，自炸猪油，自制辣椒油，你去佢到帮衬过，会发现佢每一样食品都系完美。老板以前好寸，从来都唔接受访问，近年有些多年捧场客说服下才开先例，香港硕果仅存嘅绿色铁皮屋风味，批评佢嘅人，不外乎唔满意价钱环境同服务。如果话佢唔好食，应该系年轻一辈，对香港粉面冇认识的扮食家，我食尽香港🇭🇰粉面店，唔绝对系香港🇭🇰最后一个古法制作食品嘅桥头堡