越色牛肉粉餐廳 (已結業)

我同老公同埋同事都觉得呢间系全香港最好味的越南牛肉河!!!!例证一: 我同事在澳洲读书, 在澳洲有好多越南人, 所以果度既越南餐馆好正宗, 佢话在香港,呢间系最好味!!例证二: 我老公向来唔钟意食越南河粉, 但食过呢间之后就爱上!简单来讲, 呢度既生熟牛肉河好味在于: 汤底浓有牛香, 生牛肉够生又滑, 熟牛肉(其实系牛腩)亦好味, D粉唔系平时广东果D河粉, 系扁身类似粿条咁架, 好爽口, 加埋自己随意加上椒丝青柠, 芽菜, 辣椒, 九层塔, 一碗十全十美既越南河粉就呈现!呢间有好多分店架, 登龙街系总店, 亦以总店最好味!