GOCHISO (已結業)

本身拣pizza都唔会拣净芝士嘅pizza, 因为觉得好似会好斋同好漏... 自从有个韩国朋友带我去过首尔一间cafe, 食左佢地嘅four cheeses pizza with honey之后，惊！为！天！人！竟然好食到不得了！喺香港都有试过唔同餐厅嘅cheese pizza, 都有好食嘅，不过始终冇𠮶种震惊嘅感觉... 直到食呢间餐厅 佢个pizza嘅芝士好香，但系唔会有好漏嘅感觉，芝士嘅咸味同蜜糖嘅甜味超夹! 个饼底中间位好似糯米池咁软熟烟un, 而饼边带小小脆口但又唔硬，一食有返𠮶种惊为天人嘅感觉 (虽然韩国𠮶次系要再好食啲)! 超级推荐，一定要试!另外点左个牛柳杂菌饭同炸薯皮，又系香到不得了，杯strawberry mojito 入面嘅九层塔同士多啤梨味又系好夹，所有菜式同饮品都系属于上等级数，价钱亦算合理，个four cheeses pizza已经值回票价!