Porker (已搬遷) 新店位置

Porker系我暂时系香港食过最好食既吉列猪扒，质素我觉得系日本应该有中上水平。要食既话建议食西冷或者肉眼定食就好，其他野食都好一般自家制豚肉饺子 ($65)煎饺但饺子皮完全唔脆，亦都冇肉味🙈吉列熟成豚西冷定食 ($190)定食会有椰菜丝、薯仔沙律、饭、味噌汤、渍物同埋炸猪扒。椰菜丝爽脆，亦有小小紫苏丝食落更特别，沙律比较creamy，味噌汤材料丰富，渍物次次食都唔同但都几好。旁边有猪扒酱同盐用黎点猪扒，但我觉得点盐系最夹吉列西冷相当酥脆，食落会有小小吉口，同日本靓既炸猪扒比当然唔够薄同轻盈，但我觉得算系做到本份。以前食既时候经常会皮肉分离，一夹已经分开哂，最近食就冇再出现呢个情况。而肉可能因为熟成过，肉味几浓，亦嫩滑有肉汁，西冷边位比较肥，油香味好浓郁，相比之下瘦肉部分就冇咁出色。由于边位肥膏几多，食到后面会比较腻，如果有得拣既话我建议食肉眼吉列熟成豚肉眼定食(限定) ($210)肉眼油脂分布平均，肥膏唔会过多，瘦肉部分会比西冷更嫩滑更多汁，肉味亦浓好多，食到后面唔会腻😝另外餐厅都有吉列猪柳，但好干好鞋冇肉味，吉列虾同蚝都好普通，唔建议试价钱: $232/位 (有加一)环境: 7.5