影片
更多
2022-12-15
4070 浏览
全港最高最离地102楼米芝莲二星中菜🤩天龙轩📍尖沙咀柯士甸道西1号环球贸易广场(ICC)香港丽思卡尔顿酒店102楼「能暂时怀念某种老朋友，不过未能共享一叶舟，彼此都处身洪流如何挣扎沉浮」#某种老朋友 #林家谦 又嚟到十二月忙住买礼物约饭局嘅日子，唔少朋友都会准备去旅行或者预定节目，难得可以约到一班朋友出嚟食个饭当然就Book间好嘅餐厅，今次就拣咗Ritz-Carlton嘅天龙轩，全港最高最离地嘅米芝莲二星中菜，我提早两星期左右预约星期六日，6点入座有幸获安排坐到窗边位置，欣赏到日落靓景兼饱览昂船州青衣一带嘅海景。-窝贴大虾多士(4件) $33/1 4.2/5 ⭐️ 米芝连二星嘅服务水准理想当然地好，见我地一行四人，主动提议帮我地按人头order窝贴大虾多士，每人一份，大虾多士非常松脆，入口虾肉饱满弹口有鲜味，仲可以配埋甜酸酱一齐食，开胃小食嚟讲好推荐。-蜜烧西班牙黑豚肉叉烧(一份) $400 4.4/5 ⭐️我自己去到每一间米芝莲中菜一定会点嘅就系叉烧，叉烧需要提前预订，之前做过功课系天龙轩系用西班牙黑毛猪去烧，好多朋友都赞不绝口，叉烧上枱肥瘦均匀不在话下，色泽亮丽带些少焦脆，入口肉质软
天龙轩
📍尖沙咀柯士甸道西1号环球贸易广场(ICC)香港丽思卡尔顿酒店102楼
「能暂时怀念某种老朋友，不过未能共享一叶舟，彼此都处身洪流如何挣扎沉浮」
#某种老朋友 #林家谦
又嚟到十二月忙住买礼物约饭局嘅日子，唔少朋友都会准备去旅行或者预定节目，难得可以约到一班朋友出嚟食个饭当然就Book间好嘅餐厅，今次就拣咗Ritz-Carlton嘅天龙轩，全港最高最离地嘅米芝莲二星中菜，我提早两星期左右预约星期六日，6点入座有幸获安排坐到窗边位置，欣赏到日落靓景兼饱览昂船州青衣一带嘅海景。
-窝贴大虾多士(4件) $33/1 4.2/5 ⭐️
米芝连二星嘅服务水准理想当然地好，见我地一行四人，主动提议帮我地按人头order窝贴大虾多士，每人一份，大虾多士非常松脆，入口虾肉饱满弹口有鲜味，仲可以配埋甜酸酱一齐食，开胃小食嚟讲好推荐。
-蜜烧西班牙黑豚肉叉烧(一份) $400 4.4/5 ⭐️
我自己去到每一间米芝莲中菜一定会点嘅就系叉烧，叉烧需要提前预订，之前做过功课系天龙轩系用西班牙黑毛猪去烧，好多朋友都赞不绝口，叉烧上枱肥瘦均匀不在话下，色泽亮丽带些少焦脆，入口肉质软嫩，啖啖肉嘅口感非常满足，个人嚟讲会比较钟意大班楼个第一刀，多返少少咬口质感同更有焦香感，但天龙轩系我心目中香港叉烧排行榜中都系排名头三嘅水准。
蜜烧西班牙叉烧
257 浏览
0 赞好
0 留言
片皮烤鸭(一只) $928 4.1/5 ⭐️
主菜方面我地都提前预留咗一只片皮鸭，侍应会预先帮我地分好片皮鸭，然后同时放上两笼饼皮同两碟片皮鸭，头几块都仲keep到皮脆肉嫩，饼皮同酱汁正常水准发挥，可惜之后已经做唔到保温效果，出现油腻感，老实讲天龙轩嘅依道菜有少少失望，对比龙景轩侍应会帮客人每食完一件片皮鸭再换上另一件，个用餐体验有太大对比。
片皮烤鸭
152 浏览
1 赞好
0 留言
巨峰提子煎牛柳 $298 4.1/5 ⭐️
另一道我地叫咗牛柳，一粒粒巨蜂提子伴碟系牛柳隔离，虽然望落卖相偏油腻，但相反地巨峰提子嘅酸甜中和返牛柳嘅油腻感，而牛柳入口软稔，一咬即开，而且仲保留到肉汁同牛味，都唔错。
巨峰提子煎牛柳
66 浏览
1 赞好
0 留言
炸酿鲜蟹盖 $368 4.3/5 ⭐️
另一道去到中菜厅好钟意叫嘅就系炸酿鲜蟹盖，天龙轩嘅炸酿鲜蟹上枱见到金黄酥脆，用料丰富啖啖蟹肉，蟹肉用鲜奶混和保持鲜甜可口，唔会太油腻，而且混入咗洋葱增加口感，水准好好。
炸酿鲜蟹盖
95 浏览
0 赞好
0 留言
豆豉黄金菇炒蛏子王 $248 4.1/5 ⭐️
另外叫咗个蛏子王食下，蛏子鲜甜弹牙，正常水准发挥。
豆豉黄金菇炒蛏子王
94 浏览
0 赞好
0 留言
杨枝甘露 $98 4.2/5 ⭐️
由于食完成只片皮鸭大家都比较腻，所以都叫咗碗糖水清一清，杨枝甘露用料都丰富，甜度适宜，最重要够冰冻解喝。
34 浏览
0 赞好
0 留言
-
总结:天龙轩贵为米芝连二星中菜餐厅，坐拥全港超高层靓景，餐厅设计亦十分有心思，用餐环境无可挑剔，服务水准亦十分好，唯一少少可惜就系个别食物未到令人惊喜嘅水准，仲可以有进步空间。
48 浏览
0 赞好
0 留言
====
#天龙轩#摘星之旅#香港丽思卡尔顿酒店#TheRitzCarltonHK
#尖沙咀美食#圆方#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相机食先 #香港美食
#蜜烧西班牙黑豚肉叉烧#炸酿鲜蟹盖#片皮烤鸭#窝贴大虾多士
====
张贴
