甘甘好蔗 (已搬遷) 新店位置

食完饭好口渴，行紧去搭车返屋企，见到呢间新开嘅店舖。见佢主打招牌系蔗汁，成个装修设计都好得意，掂过碌蔗。标榜系全港首创甘蔗茶饮，而且做紧优惠，喺社交平台分享，第二杯半价。试咗两杯推介饮品。$32 黑加伦子柠檬茶柠檬茶饮得多，黑加仑子味嘅，都系第一次饮。同最近大热嘅手打柠檬茶味道好似，除咗有柠檬嘅fresh，仲有少少甜味，夏天饮好正！$34 🍈蔗杯蜜瓜呢杯系蔗汁配蜜瓜汁。从来冇谂过蔗汁可以配蜜瓜汁，呢杯同柠檬茶系相反，偏向果汁味重。入口饮到蜜瓜嘅香甜，之后有蔗汁嘅回甘，唔会过甜。