影片
更多
2022-03-01
135 浏览
全港首间希腊乳酪芝士蛋糕专门店 登陆中环！Lanala结合Greek yoghurt 同cream cheese，令芝士蛋糕比传统嘅轻盈，真系食晒成件都唔会觉得好甜腻好大负担。有芝士蛋糕又点会无花茶~ 重点系连茶杯都有几款可以拣，岩晒我呢啲港女。Lalana亦有供应lunch set同bagel set，$168有齐意大利面、芝士蛋糕、咖啡。店面虽小，但又唔会太焗促，宁静舒适，几岩同朋友倾下计，唯独佢张沙发椅真系浅左啲。▪️白桃玫瑰希腊乳酪芝士蛋糕 $88顶层嘅玫瑰花茶啫喱好Q弹，食落真系feel到阵玫瑰香。芝士蛋糕就比一般嘅软滑轻盈，质地无咁厚实，带希腊乳酪嘅酸味，毫不甜腻。中间仲有粒粒爽口白桃 增添一丝清新嘅感觉，略嫌唔够香甜。食芝士蛋糕又点可以冇饼底，略嫌佢呢个饼底腍左少少。整个甜度唔会太高，真系食晒成个都唔饱滞。▪️日本蜜瓜希腊乳酪芝士蛋糕 $108限量供应！层次分明嘅蜜瓜蛋糕 打卡一流。日本蜜瓜超香甜超juicy，加上微酸嘅希腊乳酪芝士，清新唔腻~ 呢个配搭未算好加分，但旧蜜瓜真系好好食！每人两啖无左，好唔够喉。▪️经典希腊乳酪芝士蛋糕 $68经典唔加花巧野 就最能品尝到希腊乳酪芝
Lalana亦有供应lunch set同bagel set，$168有齐意大利面、芝士蛋糕、咖啡。店面虽小，但又唔会太焗促，宁静舒适，几岩同朋友倾下计，唯独佢张沙发椅真系浅左啲。
▪️白桃玫瑰希腊乳酪芝士蛋糕 $88
顶层嘅玫瑰花茶啫喱好Q弹，食落真系feel到阵玫瑰香。芝士蛋糕就比一般嘅软滑轻盈，质地无咁厚实，带希腊乳酪嘅酸味，毫不甜腻。中间仲有粒粒爽口白桃 增添一丝清新嘅感觉，略嫌唔够香甜。食芝士蛋糕又点可以冇饼底，略嫌佢呢个饼底腍左少少。整个甜度唔会太高，真系食晒成个都唔饱滞。
▪️日本蜜瓜希腊乳酪芝士蛋糕 $108
限量供应！层次分明嘅蜜瓜蛋糕 打卡一流。日本蜜瓜超香甜超juicy，加上微酸嘅希腊乳酪芝士，清新唔腻~ 呢个配搭未算好加分，但旧蜜瓜真系好好食！每人两啖无左，好唔够喉。
▪️经典希腊乳酪芝士蛋糕 $68
经典唔加花巧野 就最能品尝到希腊乳酪芝士蛋糕嘅原味。芝士蛋糕酸度较其余两款突岀，伴碟嘅香甜蜜糖刚好能够中和，酸甜比想像中融洽。我有少少唔太习惯呢种酸味，但朋友竟然最钟意呢种简单嘅味道。整体嚟讲，希腊乳酪芝士蛋糕定价偏高，但都明白希腊乳酪同水果成本较高，食落又真系轻盈唔甜腻，过到口瘾之余，又唔会太大罪恶感。(但不习惯希腊乳酪的酸可能会不太喜欢) 环境亦几舒适，想同朋友靓靓地倾下计，呢到都系一个唔错嘅选择。呢个价钱 叹返成个晏就 都算可以接受。
张贴
