616牛肉火鍋專門店 (翠怡花園)

营业中

休息中

今晚黎左间特别铺头打边炉，特别在佢有好多唔同牛肉既部分食，好多都系完全未听过的，名都系第一次见。已餐纸只系介绍左其中一部份，真系太多款了！到最后都系拣左3款食。自助吧，都有唔少调味料，大路款式最紧要有岩口味。吊龙伴油脂分布唔错，亦系几款入面最好食既一款，煮完好淋，但肉味就比其他逊色左少少。之后我地都系encore多一碟。封门柳，好重牛味，肉质几爽口。金花趾，虽然切得薄，但都几有咬口唔系韧。另外就叫返普通配料既响铃，食落OK的，唔系食紧梳哂气𠮶啲。野菌拼盘有4款菇，几新鲜。