Kind Kitchen (已結業)

是晚为素食主题，餐厅为全素，vegan friendly。一行五人全晚柯打左新猪肉饺子、松露意粉、松露RISOTTO 、蕃薯条、鸡肉凯萨沙拉、红菜头汤、芝士拼盘。蕃薯条系全场最好味，够脆，有蜜糖可以沾，服务员亦比左全素既mayonnaise我地试。新猪肉饺子味道整得真系好似猪肉，唔讲真系唔知你食紧素食。松露意粉同RISOTTO都麻麻地，食唔到松露味之余又夹杂著中式菜式既味道。不中不西有D奇怪，份量亦都好少。鸡肉凯萨沙拉既鸡肉当然都系素，正正常常既沙拉，同红菜头汤一样，系无评价。芝士拼盘有啲惊喜，惊喜不在于味道，而系在于唔用牛奶都可以整到芝士觉得好神奇。朋友一致都唔相信点解可以整得咁似真芝士，亦都有啲焗左既法包伴芝士，还可以。如果你喜欢食素，呢间餐厅系一个选择，环境舒适，食材环保♻️。