聚味軒 (已結業)

对九龙城的印象，仲停留喺泰国菜，基本上想食泰国菜首选都一定会嚟九龙城，但原来呢边都有好多中菜餐厅，见想食𠮶间泰国菜冇开，就试吓呢间中菜，餐牌上面选择好多，大部份都系我爱嘅菜式。《聚味咸香鸡半只》$138类似盐焗鸡嘅味道，但唔会好咸，食起嚟都好香，又唔会好重鸡苏味同冰鲜味，重点系鸡肉好滑，好好食。《一口榄角骨》$88超推荐！分量多之余，价钱真系唔贵。外面好酥脆，少少甜味，而入面既排骨肉肉都好有肉汁，口感一流，令人越食越想食。《冰镇生炒骨》$147之前已经食过冰镇嘅生炒骨，感觉都几好冷热交融，而且生炒骨食起嚟会更加爽口，不过略嫌太甜太多糖浆，食的时候黐埋一旧分唔开，如果改善下就会更好。《真功夫炒饭》$88大大碟炒饭，好有镬气，粒粒分明，饭粒不会黏在一起，硬度刚好又够味，虽然配料不多但已经十分好吃，推荐！ 总括来说，呢间中菜环境不错味道又好，重点系价钱都算亲民，经过九龙城打算食中菜的话，呢间会系一个几好嘅选择。