Steak Bar (已結業)

吉列炸牛扒定食 - 外面炸得松脆，入边大概只有一成熟。等石烧上面嘅牛油完全溶化之后就可以放吉列牛扒上去烧，牛肉嘅牛脂再加上牛油，食落非常香，肉质亦好嫩滑，加埋吉列牛嘅脆边，口感一流！顶级板腱牛扒定食 - 呢个系每日限量，落单嘅时候店员好贴心咁提醒牛板腱系牛嘅膊头位，会比较瘦同埋中间有条筋，建议五成熟，要睇吓我哋啱唔啱食。虽然切起上嚟系有少少难度，食落亦比较韧，不过肉质鲜嫩有弹性，加埋炸蒜片、盐同酱汁一齐食，唔错。所有定食都会配上豆腐、沙律同埋饭素饭。而且牛嘅份量亦非常多，够晒饱。而家仲做紧二人同行优惠，第二个人可以用半价享用六款指定定食，好抵。当日礼拜六餐厅长时间爆满，要去记得book定枱呀。