蕃滿門

营业中

休息中

好难得会食到lunch，平时我瞓到下昼三四点先起身，今日因为要返工早起身，所以过咗嚟食lunch，店员就安排左靠近入面嘅位置俾我哋，呢度出名系冻柠茶，所以我梗系急不及待叫咗杯冻柠茶啦。至于lunch套餐方面，我哋两个人叫咗一个滑蛋番茄汤意粉，同埋一个咖喱焗饭一齐share share。番茄汤意粉好浓番茄汤底味道，真系好似食紧个蕃茄，而且啲滑蛋好有奶味，好想再加多几只滑蛋落去，番茄汤有得拣辣度，我哋就拣咗小辣，小辣反而好惹味。至于焗饭方面，我哋叫咗个焗咖喱鸡扒饭，因为焗饭要等候15分钟左右，所以我哋食完个汤意粉啱啱好，个焗饭就嚟咗啦，不过我觉得佢哋个鸡扒可以再改善，俾我有啲干身嘅感觉，如果湿少少我谂会新鲜好多，不过lunch两个＄100 埋单都算好平啦，如果食lunch都可以再黎试。