肉肉強食 by 鋒膳 (已結業)

今日过嚟长沙湾做完啲嘢，打算同朋友喺附近食埋饭，遥远一望，见到楼上有间好似都唔错嘅餐厅，睇完餐牌有得锯扒，价钱有几平民，所以就试一试。《美式杂扒》$78 +$22薯条、汤、餐包、咖啡/茶&甜品杂扒餐一直都系我最爱，因为对于选择困难症嘅我有齐咁多扒类就唔需要选择，成个餐都好丰富，而且啲扒大件，仲有司华力肠同炸鸡翼，劲好味！好丰富！加多$22升级做套餐仲有好多嘢食，薯条嘅份量都好多，好抵食。《深海鱼柳扒》$68+$22薯条、汤、餐包、咖啡/茶&甜品鱼柳扒超大块！而且即炸嘅口感食落劲脆口，但入边嘅鱼肉仍然系好滑好嫩，同埋好饱满，出面嘅炸浆都唔厚，好味！《焗卡邦尼海鲜饭》$68来茶餐厅梗系要食个焗饭，呢个焗饭做得几出色，面嘅汁好够，而且仲有芝士，令成个焗饭嘅味道更香更creamy，海鲜款式又多又大件旧，有大虾鱼柳青口带子，好正。《牛肉汉堡》同样系份量劲大，里面𠮶间汉堡牛扒好多汁，牛肉比较爽口一啲都唔会好梅好鞋，好足料。呢餐真系食到好饱，最后仲有甜品添，劲满足。