老川皇

营业中

休息中

朋友介绍话呢间食四川野又平又抵又好食，咁就特登去试吓啦。间铺细细地，地方唔大，啲位有啲窄。但系感觉好地到，好似真系去左四川咁。成个menu 都系红色，全部都系辣椒，钟意食辣gei真系睇见都好开心😋佢每样菜色都可以拣大中小辣，因番自己程度去拣。我地唔算好食得辣野，所以全部都叫小辣算。叫左几个前菜，蒜泥白肉，椒浸鸡肾，个鸡肾第一啖食落去好似怪怪地，但系越食越好味㖞。而蒜泥白肉就比较厚，睇相好似好多大碟，但下面全部都系青瓜，不过啲青瓜劲好食，唔洗另叫手帕青瓜😂主菜当然唔少得水煮鱼啦，不过𠮶日水煮鱼卖晒，得返水煮桂花鱼，就贵少少，不过啲鱼真系好滑，同埋劲大煲劲多鱼肉，4个人都食唔晒。（咁当然我地仲叫多左几样野）同埋睇相好似好多辣椒，但系我哋拣小辣，食落就真系唔系好辣，下次可以挑战下中辣😍其他𩠌就带咗一个手撕包菜，一个孜然羊肉，一个炒干扁豆，同埋一碗酸辣粉再加白饭。其实四个人真系叫得太多。 个手撕包菜就有小小太咸，而个羊肉就第一啖冇乜味，但系食食吓又ok,所以大家食之前最好捞一捞佢。食物都算几好味，钟意食辣就真系会好开心，而份量都算几大份，要叫多几个人一齐食就可以哭多几样野试喇。不过上菜时间就有